ബംഗളൂരു: കര്ണാടകയില് ഡോക്ടര് കൂടിയായ ഭാര്യയെ സര്ജന് കൊലപ്പെടുത്തിയ കേസില് കൂടുതല് വിവരങ്ങള് പുറത്ത്.
ഡെര്മറ്റോളജിസ്റ്റ് ആയ ഭാര്യയെ കൊലപ്പെടുത്തിയതിന് പിന്നാലെ സര്ജന് കാമുകിക്ക് അയച്ച സന്ദേശത്തിന്റെ വിവരങ്ങളാണ് ഇപ്പോൾ അന്വേഷണ സംഘത്തിന് ലഭിച്ചത്. ‘ഞാൻ നിനക്ക് വേണ്ടി എന്റെ ഭാര്യയെ കൊന്നു’ എന്ന് കാമുകിക്ക് സര്ജന് അയച്ച സന്ദേശമാണ് ഫോണിന്റെ ഫോറന്സിക് പരിശോധനയിലൂടെ അന്വേഷണ സംഘം കണ്ടെത്തിയത്.
ഡെര്മറ്റോളജിസ്റ്റ് ആയ ഭാര്യയെ കൊലപ്പെടുത്തിയതിന് പിന്നാലെ സര്ജന് കാമുകിക്ക് അയച്ച സന്ദേശത്തിന്റെ വിവരങ്ങളാണ് അന്വേഷണ സംഘത്തിന് ലഭിച്ചത്. ‘നിനക്ക് വേണ്ടി ഞാന് എന്റെ ഭാര്യയെ കൊന്നു’ എന്ന് കാമുകിക്ക് സര്ജന് അയച്ച സന്ദേശമാണ് ഫോണിന്റെ ഫോറന്സിക് പരിശോധനയിലൂടെ അന്വേഷണ സംഘം കണ്ടെത്തിയത്.
ബംഗളൂരുവിലാണ് നാടിനെ നടുക്കിയ കൊലപാതകം നടന്നത്. ജനറല് സര്ജന് ഡോ. മഹേന്ദ്ര റെഡ്ഡി, ഡിജിറ്റല് പേയ്മെന്റ് ആപ്പിലൂടെ കാമുകിക്ക് അയച്ച സന്ദേശം ആണ് അന്വേഷണ സംഘത്തിന് നിര്ണായക തെളിവായത്.
അതേസമയം പോലീസ് കാമുകിയെ ചോദ്യം ചെയ്യുകയും അവരുടെ മൊഴി രേഖപ്പെടുത്തുകയും ചെയ്തു. കാമുകിയുടെ ഐഡന്റിറ്റി അന്വേഷണ സംഘം ഇതുവരെ വെളിപ്പെടുത്തിയിട്ടില്ല.
മഹേന്ദ്ര റെഡ്ഡിയുടെ ഭാര്യയായ ഡോ. കൃതിക റെഡ്ഡി ആണ് കൊല്ലപ്പെട്ടത്. വീട്ടില് വെച്ച് മയക്കുമരുന്ന് അമിതമായി നല്കിയതിനെ തുടര്ന്നാണ് കൃതിക മരിച്ചത്.
ഫോറന്സിക് പരിശോധനയിലാണ് കൊലപാതകമാണെന്ന് തെളിഞ്ഞത്. പരിശോധനയില് കൃതികയുടെ അവയവങ്ങളില് അനസ്തെറ്റിക് മരുന്നായ പ്രൊപ്പോഫോളിന്റെ സാന്നിധ്യം കണ്ടെത്തുകയായിരുന്നു. ശക്തമായ അനസ്തെറ്റിക് മരുന്നാണ് പ്രോപ്പോഫോളിന്. തുടര്ന്ന് മഹേന്ദ്ര റെഡ്ഡിയുടെ വീട്ടില് നടത്തിയ പരിശോധനയില്, കാനുല സെറ്റ്, ഇഞ്ചക്ഷന് ട്യൂബ്, മറ്റ് മെഡിക്കല് ഉപകരണങ്ങള് എന്നിവയുള്പ്പെടെയുള്ള പ്രധാന തെളിവുകള് പൊലീസ് കണ്ടെടുത്തു.
ഏപ്രില് 21നാണ് സംഭവം നടന്നത്. ആറു മാസത്തിന് ശേഷമാണ് മഹേന്ദ്രയെ പൊലീസ് അറസ്റ്റ് ചെയ്തത്. അമിതമായി മയക്കുമരുന്ന് നല്കിയതിനെ തുടര്ന്ന് അസുഖബാധിതയായ കൃതികയെ അടുത്തുള്ള ആശുപത്രിയില് എത്തിച്ചു. എന്നാല് മരണം സംഭവിച്ചതായും പൊലീസ് പറയുന്നു.
