കൊച്ചി : ‘പാരിജാതം’ എന്ന ജനപ്രിയ സീരിയലിലെ സീമ, അരുണ എന്നീ ഇരട്ടവേഷങ്ങളിലൂടെ മലയാളി പ്രേക്ഷകരുടെ പ്രിയതാരമായി മാറിയ നടിയാണ് രസ്ന. വിവാഹശേഷം അഭിനയത്തിൽനിന്ന് വിട്ടുനിൽക്കുന്ന രസ്നയുടെ വിശേഷങ്ങൾ സമൂഹമാധ്യമങ്ങളിലൂടെ ഇപ്പോഴും ശ്രദ്ധ നേടാറുണ്ട്. ‘കുടുംബശ്രീ ശാരദ’യിലൂടെ ശ്രദ്ധേയയായ നീനു രസ്നയുടെ സഹോദരിയാണ്. ഇപ്പോഴിതാ രസ്നയുടെയും നീനുവിന്റെയും അമ്മ സാജിത തന്റെ ജീവിതത്തിലെ നിർണായക അധ്യായങ്ങളെക്കുറിച്ച് പങ്കുവച്ച വാക്കുകളാണ് സമൂഹമാധ്യമങ്ങളിൽ ചർച്ചയാകുന്നത്.
തന്റെ യൂട്യൂബ് ചാനലിൽ പങ്കുവച്ച വിഡിയോയിലാണ് വിവാഹം, വിവാഹമോചനം, മക്കളെ വളർത്തിയ കാലം, സാമ്പത്തികമായി മുന്നേറിയതിന്റെ വഴികൾ എന്നിവയെക്കുറിച്ച് സാജിത വിശദീകരിച്ചത്. ചെറുപ്പത്തിൽ തന്നെ വിവാഹിതയായെന്നും 17-ാം വയസ്സിൽ അമ്മയായെന്നും അവർ പറയുന്നു. രണ്ട് മക്കൾ ജനിച്ചതിന് പിന്നാലെ ചില സാഹചര്യങ്ങളെ തുടർന്ന് ഭർത്താവിന്റെ വീട്ടിൽനിന്ന് ഇറങ്ങേണ്ടിവന്നു. വേർപിരിയലിന്റെ കാരണം വിശദീകരിക്കാൻ താൽപര്യമില്ലെന്നും മുൻകാല ജീവിതത്തിൽ ആരെയും കുറ്റപ്പെടുത്താൻ ആഗ്രഹിക്കുന്നില്ലെന്നും സാജിത വ്യക്തമാക്കി.
വിവാഹസമയത്ത് ഭർത്താവിനും 19 വയസ്സായിരുന്നു പ്രായമെന്നും സാജിത പറയുന്നു. പരസ്പരം സ്നേഹമുണ്ടായിരുന്നെങ്കിലും പിന്നീട് ബന്ധത്തിൽ വലിയ പ്രശ്നങ്ങൾ ഉടലെടുത്തതോടെ ഇരുവരും വേർപിരിഞ്ഞു. വിവാഹമോചന സമയത്ത് കടുത്ത അകൽച്ചയിലായിരുന്നെങ്കിലും, കേസുകൾ നടന്നുകൊണ്ടിരുന്ന കാലത്തുപോലും മുൻഭർത്താവിനെ ഓർത്തിരുന്നുവെന്ന് സാജിത പറഞ്ഞു. അദ്ദേഹത്തിന്റെ ശബ്ദം കേൾക്കാനായി മറ്റൊരു നമ്പറിൽനിന്ന് വിളിച്ച് ഒന്നും സംസാരിക്കാതെ ഫോൺ വച്ചിരുന്ന അനുഭവവും അവർ പങ്കുവച്ചു.
കാലം കടന്നതോടെ പഴയ വിരോധങ്ങൾ മാറി മുൻഭർത്താവുമായി സൗഹൃദബന്ധം സ്ഥാപിക്കാൻ കഴിഞ്ഞതായും സാജിത പറയുന്നു. അദ്ദേഹം പിന്നീട് മറ്റൊരു വിവാഹം കഴിക്കുകയും രണ്ട് കുട്ടികളുമായി കഴിയുകയും ചെയ്തു. ഇപ്പോഴത്തെ ഭാര്യയും മക്കളും തന്നോട് ഫോണിൽ സംസാരിക്കാറുണ്ടെന്നും അവരുടെ വീട്ടിൽ പോയി ഒരുമിച്ച് ഭക്ഷണം കഴിക്കാറുണ്ടെന്നും സാജിത പറഞ്ഞു. ഇരുകുടുംബങ്ങൾക്കുമിടയിൽ ഇപ്പോൾ നല്ല ബന്ധമാണെന്നും അവർ വ്യക്തമാക്കി.
രസ്നയുടെ അഭിനയജീവിതം കുടുംബത്തെ മുന്നോട്ട് നയിച്ച കാലം
വേർപിരിഞ്ഞ സമയത്ത് രസ്ന അഭിനയരംഗത്തേക്ക് കടന്നുവരുന്നതേയുണ്ടായിരുന്നുള്ളൂ. ഒൻപതാം ക്ലാസിൽ പഠിക്കുന്ന കാലത്താണ് ‘പാരിജാതം’ സീരിയലിലേക്ക് അവസരം ലഭിച്ചത്. തിരുവനന്തപുരത്തായിരുന്നു ഷൂട്ടിങ്. ഇളയ മകളെ വിട്ടുനിൽക്കാൻ കഴിയാത്തതിനാൽ സാജിതയും രസ്നയ്ക്കൊപ്പം തിരുവനന്തപുരത്തേക്ക് താമസം മാറി.
ഡബിൾ റോളായതിനാൽ രസ്നയുടെ ഷൂട്ടിങ് കാര്യങ്ങൾ നോക്കാൻ താൻ തന്നെ ഒപ്പമുണ്ടായിരുന്നുവെന്ന് സാജിത പറയുന്നു. സീരിയൽ ശ്രദ്ധ നേടിയതോടെ രസ്നയ്ക്ക് ഉദ്ഘാടനങ്ങൾ, സ്റ്റേജ് പരിപാടികൾ, പരസ്യങ്ങൾ, ആൽബങ്ങൾ തുടങ്ങിയ നിരവധി അവസരങ്ങൾ ലഭിച്ചു. കേരളത്തിന് പുറത്തും വിദേശത്തുമടക്കം പരിപാടികൾ ലഭിച്ചതോടെ തിരക്കേറിയ ജീവിതമായി മാറി.
രസ്നയുടെ ഷൂട്ടിങ് തീയതികൾ ക്രമീകരിക്കുന്നതും പരിപാടികളുടെ കാര്യങ്ങൾ സംസാരിക്കുന്നതും പ്രതിഫലം സംബന്ധിച്ച കാര്യങ്ങൾ കൈകാര്യം ചെയ്യുന്നതുമെല്ലാം താനായിരുന്നുവെന്ന് സാജിത പറഞ്ഞു. മകളുടെ വരുമാനം അനാവശ്യമായി ചെലവഴിക്കാതെ സേവ് ചെയ്യുകയും വിവിധ നിക്ഷേപങ്ങളിലേക്ക് മാറ്റുകയും ചെയ്തു. പിന്നീട് അതിൽനിന്നുള്ള തുകയും വായ്പയും ഉപയോഗിച്ചാണ് വീട് നിർമിച്ചതെന്നും അവർ വ്യക്തമാക്കി.
ആറ് വർഷത്തിനുള്ളിൽ വീടും കാറുമൊക്കെയായി ജീവിതം കുറച്ചുകൂടി സ്ഥിരതയിലായി. ഇതിനിടെ രസ്ന പ്രണയവിവാഹം കഴിച്ചു. വിവാഹത്തിന് മുമ്പ് കുടുംബം എടുത്തിരുന്ന വായ്പകൾ രസ്ന തന്നെ അടച്ചുതീർത്തുവെന്നും സാജിത പറയുന്നു. മകളുടെ പ്രണയത്തെ തുടക്കത്തിൽ എതിർത്തിരുന്നെങ്കിലും പിന്നീട് നിലപാട് മാറിയതായും അവർ വ്യക്തമാക്കി.
നീനുവും അഭിനയരംഗത്ത്
രസ്നയ്ക്ക് പിന്നാലെ ഇളയ മകൾ നീനുവും അഭിനയരംഗത്തേക്ക് എത്തി. വർഷങ്ങളായി സീരിയൽ രംഗത്ത് സജീവമായ നീനുവിനൊപ്പം തുടക്കകാലത്ത് സാജിത സെറ്റുകളിൽ പോയിരുന്നു. മകളുടെ ഷൂട്ടിങ് ഉൾപ്പെടെയുള്ള കാര്യങ്ങൾ നോക്കിയിരുന്നത് താനായിരുന്നുവെന്നും ഇപ്പോൾ ഏകദേശം മൂന്ന് വർഷമായി നീനു സ്വന്തം കാര്യങ്ങൾ സ്വയം കൈകാര്യം ചെയ്യുകയാണെന്നും സാജിത പറഞ്ഞു.
മക്കളുടെ ഭാവിക്കായി ജീവിതത്തിന്റെ വലിയൊരു ഭാഗം മാറ്റിവച്ചശേഷം ഇപ്പോൾ സ്വന്തം ജീവിതത്തിനും സമയം കണ്ടെത്തുകയാണെന്നും അവർ പറയുന്നു. നേരത്തെ നടത്തിയ നിക്ഷേപങ്ങളിൽനിന്നുള്ള ലാഭവും നിലവിലെ ജോലിയിൽനിന്നുള്ള വരുമാനവുമാണ് ഇപ്പോഴത്തെ ജീവിതത്തിന്റെ പ്രധാന സാമ്പത്തിക പിന്തുണയെന്നും സാജിത വ്യക്തമാക്കി.
അതേസമയം മക്കളുടെ ഭാവിയെക്കുറിച്ച് ആലോചിച്ച ഒരു ഘട്ടത്തിൽ രണ്ടാം വിവാഹത്തെക്കുറിച്ചും ചിന്തിച്ചിരുന്നുവെന്ന് സാജിത വെളിപ്പെടുത്തി. ഇതിനായി ഒരു മാട്രിമോണിയൽ പ്രൊഫൈൽ ആരംഭിക്കുകയും 200ലേറെ വിവാഹാലോചനകൾ ലഭിക്കുകയും ചെയ്തു. എന്നാൽ പിന്നീട് മറ്റൊരു വിവാഹം വേണ്ടെന്ന തീരുമാനത്തിലെത്തുകയായിരുന്നു.
മക്കളെ വളർത്തുക എന്നതായിരുന്നു തന്റെ പ്രധാന ലക്ഷ്യമെന്നും അതിനായി വ്യക്തിജീവിതത്തിലെ പല ആഗ്രഹങ്ങളും മാറ്റിവച്ചുവെന്നും സാജിത പറയുന്നു. ഇപ്പോൾ യാത്രകളാണ് പ്രധാന വിനോദമെന്നും അവർ കൂട്ടിച്ചേർത്തു.
നിലവിൽ ഒരു ഇന്ത്യൻ കോ-ഓപ്പറേറ്റീവ് ക്രെഡിറ്റ് സൊസൈറ്റിയിൽ സീനിയർ ഡെവലപ്‌മെന്റ് ഓഫീസറായി ജോലി ചെയ്യുന്നതായും സാജിത പറഞ്ഞു. നേരത്തെ നടത്തിയ നിക്ഷേപങ്ങളിൽനിന്നുള്ള ലാഭവും ജോലിയിൽനിന്നുള്ള ശമ്പളവും ഉപയോഗിച്ചാണ് ഇപ്പോൾ ജീവിക്കുന്നത്. രസ്നയ്ക്കൊപ്പം താമസിച്ചിരുന്ന
