കല്പ്പറ്റ: ലഹരി നല്കി പ്രായപൂര്ത്തിയാകാത്ത കുട്ടിയെ ലൈംഗീകാതിക്രമം നടത്തിയ കേസില് പ്രതിക്ക് തടവും പിഴയും.
തൃക്കൈപ്പറ്റ നെല്ലിമാളം കല്ലറ വീട്ടില് മിഥുന് ദാസ് (22)നെയാണ് കല്പ്പറ്റ ഫാസ്റ്റ് ട്രാക്ക് സ്പെഷ്യല് കോടതി ജഡ്ജ് കെ. കൃഷ്ണകുമാര് 27 വര്ഷവും 9 മാസവും തടവിനും 77000 രൂപ പിഴയടക്കാനും ശിക്ഷിച്ചത്.
2022 ജൂലൈ മാസത്തിലാണ് കേസിനാസ്പദമായ സംഭവം. കുട്ടി താമസിച്ചിരുന്ന വീട്ടില് ഇയാള് അതിക്രമിച്ചു കയറി ലഹരി കലര്ത്തിയ സിഗരറ്റ് വലിപ്പിച്ച് മയക്കിയ ശേഷം കുട്ടിക്കെതിരെ ലൈഗീകാതിക്രമം നടത്തുകയായിരുന്നു.
പ്രതി കല്പ്പറ്റ, ബത്തേരി, ആലപ്പുഴ ജില്ലയിലെ കരിയിലക്കുളങ്ങര സ്റ്റേഷനുകളിലായി അഞ്ച് കേസുകളില് പ്രതിയാണ്.
