ശബരിമല സ്വര്ണപ്പാളി വിവാദത്തില് തനിക്കെതിരേ ഉയര്ന്ന ആരോപണങ്ങള് നിഷേധിച്ച് ഉണ്ണികൃഷ്ണന് പോറ്റി.
തന്റെ കൈവശം ലഭിച്ചത് ചെമ്പു പാളിയാണെന്ന് ദേവസ്വം വിജിലന്സിന് അദ്ദേഹം മൊഴി നല്കി. രേഖാമൂലമാണ് ചെമ്പുപാളി തനിക്ക് കൈമാറിയത്. ഉദ്യോഗസ്ഥ വീഴ്ചയില് തനിക്ക് പങ്കില്ല. കൃത്യമായി കത്തു നല്കി ദേവസ്വം അധികൃതരുടെ അനുമതിയോടെയാണ് ചെമ്പുപാളി കൊണ്ടുപോയത്.
താന് സ്വന്തം നിലയില് വഴിവിട്ട് ഒന്നും ചെയ്തിട്ടില്ല. രേഖാമൂലമാണ് ഇതെല്ലാം കൈപ്പറ്റിയതെന്നും അദ്ദേഹം മൊഴി നല്കിയതായാണ് സൂചന.
പണപ്പിരിവ് നടത്തിയെന്ന ആരോപണവും ഉണ്ണികൃഷ്ണന് പോറ്റി നിഷേധിച്ചു.
ചില കാര്യങ്ങളില് കൂടുതല് വ്യക്തത ലഭിക്കേണ്ടതിനാല് ഉണ്ണികൃഷ്ണന് പോറ്റിയെ വീണ്ടും ചോദ്യം ചെയ്തേക്കുമെന്നാണ് സൂചന. ശബരിമലയിലെ അന്നത്തെ ഉദ്യോഗസ്ഥരെയും വിജിലന്സ് ചോദ്യം ചെയ്യും.
