കോട്ടയം : ലൈംഗിക വിവാദ ആരോപണങ്ങളില് എംഎല്എ രാജി സമ്മര്ദം വര്ധിക്കവെ ഇന്നലെകള് ഓര്മപ്പെടുത്തി രാഹുല് മാങ്കൂട്ടത്തില്. രാഹുല് ഗാന്ധിയുടെ ചിത്രത്തിനൊപ്പം ഫെയ്സ്ബുക്കില് പോസ്റ്റുചെയത് ഒരു കുറിപ്പിലാണ് രാഹുല് മാങ്കൂട്ടത്തില് തന്റെ നിലപാട് വ്യക്തമാക്കുന്നത്. പോസ്റ്റിനു താഴെ മുകേഷിനെതിരെയുളള പരമാര്ശങ്ങളും കമന്റായിട്ടുണ്ട്. രണ്ടു കെട്ടിയ മുകേഷിന്റെ കാമ പ്രാന്തിനേക്കാള് വലുതല്ല , അവിവാഹിതനായ ഒരു ചെറുപ്പക്കാരനില് ഉണ്ടായ പരസ്പര പ്രണയ വര്ത്തമാനം.. എന്നാണ് ഒരു കമന്റ്
സംഘടിതമായി ആക്രമിച്ചിട്ടും കുറ്റപ്പെടുത്തിയിട്ടും സ്തുതിപാടകര് വിമര്ശകരായിട്ടും പരിഭവങ്ങള് ഇല്ലാതെ രാഹുല് ഗാന്ധി പോരാടുന്നു എന്നാണ് രാഹുല് മാങ്കൂട്ടത്തില് തന്റെ ഫെയ്സ്ബുക്ക് പോസ്റ്റില് കുറിച്ചിരിക്കുന്നത്. അദ്ദേഹത്തിന് പ്രസ്ഥാനമാണ് വലുതെന്നും പദവികള്ക്കപ്പുറം അയാള് കോണ്ഗ്രസുകാരനാണെന്നും പോസ്റ്റില് രാഹുല് മാങ്കൂട്ടത്തില് പറയുന്നു.
പോസ്റ്റില് രാഹുല് ഗാന്ധിയുടെ ചിത്രമാണെങ്കിലും പോസ്റ്റില് കുറിച്ചിരിക്കുന്ന വാക്കുകള് രാഹുല് മാങ്കൂട്ടത്തിലിന്റെ നിലവിലെ സ്ഥിതിയാണ് വ്യക്തമാക്കുന്നത് എന്നാണ് അതിന് താഴെ വരുന്ന പ്രതികരണങ്ങളില് പറയുന്നത്. പാര്ട്ടിയിടെ മുതിര്ന്ന നേതാക്കളെല്ലാം രാഹുലിന്റെ രാജി ആവശ്യപ്പെടുന്ന സാഹചര്യത്തിലാണ് ഈ പോസ്റ്റ് വരുന്നത് എന്നതും ശ്രദ്ധേയമാണ്.
നേരത്തെ മാധ്യമങ്ങളോട് സംസാരിക്കവെ പാര്ട്ടിയെ പ്രതിരോധിച്ചത് കൊണ്ടാണ് തനിക്കുനേരെ ഇത്രയധികം ആക്രമണങ്ങളെന്നും രാഹുല് പറയുകയുണ്ടായി. ‘ഞാന് കുറ്റം ചെയ്തോ ഇല്ലയോ എന്നതിനപ്പുറം എല്ലാ പ്രതിസന്ധിയിലും പാര്ട്ടിക്കുവേണ്ടി ന്യായീകരിക്കാനും പ്രതിരോധിക്കാനും സാമൂഹികമാധ്യമങ്ങളിലും മാധ്യമങ്ങളിലും സമരങ്ങളിലും പ്രവര്ത്തിച്ച ആളെന്ന നിലയിലാണ് എനിക്കുനേരെ ഈ ആക്രമണം ഉണ്ടാകുന്നത്. പക്ഷേ ഞാന് കാരണം പാര്ട്ടിപ്രവര്ത്തകര്ക്ക് തലകുനിക്കേണ്ടി വരുന്ന സാഹചര്യം ഉണ്ടാകുന്നത് ഉള്ക്കൊള്ളാനാകില്ല.’ എന്നാണ് രാഹുല് പറഞ്ഞത്.
