കൊച്ചി: മസാല ബോണ്ട് ഇടപാടുമായി ബന്ധപ്പെട്ട കേസില് മുഖ്യമന്ത്രി മുന്ധനമന്ത്രി തോമസ് ഐസക്ക് തുടങ്ങിയവര്ക്ക് അയച്ച നോട്ടീസിലെ തുടര്നടപടികള് തടഞ്ഞ ഹൈക്കോടതി സിംഗിള് ബഞ്ച് ഉത്തരവ് ഡിവിഷന് ബഞ്ച് സ്റ്റേ ചെയ്തു. സിംഗിള് ബഞ്ച്
സ്റ്റേയ്ക്കെതിരെ പിറ്റേന്നു തന്നെ ഇഡി ഡിവിഷന് ബഞ്ചിനെ സമീപിക്കുകയായിരുന്നു.
കിഫ്ബി ചെയര്മാന് എന്ന നിലയില് മുഖ്യമന്ത്രി പിണറായി വിജയന് അടക്കമുള്ളവര്ക്ക് അയച്ച നോട്ടീസിലെ തുടര് നടപടി തടഞ്ഞ ഹൈക്കോടതി സിംഗിള് ബെഞ്ച് ഉത്തരവാണ് ഡിവിഷന് ബെഞ്ച് സ്റ്റേ ചെയ്തത്. ഇഡിക്ക് തുടര് നടപടികളുമായി മുന്നോട്ടുപോകാമെന്നും ഹൈക്കോടതി ഡിവിഷന് ബെഞ്ച് ഉത്തരവിട്ടു.
മുന് ധനമന്ത്രി തോമസ് ഐസക്ക്, കിഫ്ബി സിഇഒ കെഎം എബ്രഹാം എന്നിവര്ക്കെതിരായ നോട്ടീസിലും ഇഡിക്ക് തുടര് നടപടിയുമായി മുന്നോട്ടുപോകാം. മസാല ബോണ്ട് ഇടപാടിലെ ഇഡി അഡ്ജുഡിക്കേഷന് അതോറിറ്റിയുടെ നടപടികളാണ് വെള്ളിയാഴ്ച്ച ഹൈക്കോടതി സിംഗിള് ബെഞ്ച് പൂര്ണമായും സ്റ്റേ ചെയ്തത്. എതിര്കക്ഷികളായ മുഖ്യമന്ത്രി പിണറായി വിജയന്, മുന് ധനമന്ത്രി തോമസ് ഐസക്ക്, കിഫ്ബി സി ഇ ഒ, കെ എം എബ്രഹാം എന്നിവര്ക്കെതിരായ നോട്ടീസില് തുടര്നടപടികളാണ് സ്റ്റേ ചെയ്തിരുന്നത്. കിഫ്ബിക്ക് നല്കിയ നോട്ടീസിലെ തുടര് നടപടികള് എല്ലാം കഴിഞ്ഞ ദിവസം കോടതി തടഞ്ഞിരുന്നു.
എന്നാല്, സിംഗിള് ബെഞ്ച് അധികാര പരിധി മറികടന്നാണ് നോട്ടീസ് സ്റ്റേ ചെയ്തതെന്നാണ് അപ്പീലില് ഇഡി ചൂണ്ടിക്കാട്ടിയത്. സിംഗിള് ബെഞ്ച് ഉത്തരവ് റദ്ദാക്കണമെന്നും ഇഡി ആവശ്യപ്പെട്ടിരുന്നു. മസാല ബോണ്ടിലൂടെ സമാഹരിച്ച പണം ഫെമ ചട്ടങ്ങള് ലംഘിച്ചാണ് ചെലവിട്ടത് എന്നായിരുന്നു ഇഡിയുടെ കണ്ടെത്തല്.
