കൊല്ലം: ഷാര്ജയിൽ ഫ്ലാറ്റിനുള്ളിൽ മരിച്ച നിലയിൽ കണ്ടെത്തിയ കൊല്ലം സ്വദേശി അതുല്യ നേരിട്ടത് കൊടും ക്രൂരത എന്ന് വെളിപ്പെടുത്തല്.
മരിക്കുന്നതിന് മുന്പ് അതുല്യ സുഹൃത്തിനയച്ച സന്ദേശത്തിലാണ് സതീഷിന്റെ ക്രൂരതകള് തുറന്നുപറയുന്നത്. അയാള് തന്നെ ചവിട്ടി കൂട്ടി, ജീവിക്കാന് പറ്റുന്നില്ലെന്നും സുഹൃത്തിനയച്ച സന്ദേശം ചില സൂചനകള് നല്കുന്നുണ്ട്.
തനിക് ആത്മഹത്യ ചെയ്യാന് ധൈര്യമില്ലാ എന്നും അതുല്യ ഫോണ് സന്ദേശത്തില് പറയുന്നു. എന്നാല് പിന്നീട് അതുല്യയെ മരിച്ച നിലയില് കണ്ടെത്തുകയായിരുന്നു.
അതേസമയം അതുല്യയുടേത് കൊലപാതകമാകാന് സാധ്യത ഏറെയാണ്. ചവറ തെക്കുംഭാഗം കോയിവിള സ്വദേശിനി തട്ടാന്റെ വടക്കയില് ‘അതുല്യ ഭവന’ത്തില് അതുല്യ ശേഖറിനെ (30) ഷാര്ജയിലെ താമസസ്ഥലത്താണ് മരിച്ചനിലയില് കണ്ടെത്തിയത്. ശനിയാഴ്ച പുലര്ച്ചെയാണ് ഷാര്ജ റോള പാര്ക്കിനുസമീപത്തെ ഫ്ളാറ്റില് മരിച്ചനിലയില് കണ്ടെത്തിയത്
അതേസമയം അതുല്യയുടെ ഭര്ത്താവ് സതീഷിനെതിരെ കൂടുതൽ ആരോപണങ്ങളാണ് പുറത്ത് വരുന്നത്. കല്യാണത്തിനുശേഷം പ്രശ്നങ്ങള് ആരംഭിച്ചിരുന്നുവെന്നും സതീഷിന്റെ ഭാഗത്തുനിന്നുണ്ടായിട്ടുള്ള ദുരനുഭവങ്ങള് തന്നോട് അതുല്യ പറഞ്ഞിട്ടുണ്ടെന്നും നാട്ടിലെ സുഹൃത്ത് വെളിപ്പെടുത്തുന്നു.
17-ാം വയസിലാണ് അതുല്യയുടെ വിവാഹ നിശ്ചയം കഴിഞ്ഞത് 18-ാം വയസിലായിരുന്നു വിവാഹം.
എന്നാൽ വിവാഹം കഴിഞ്ഞതുമുതൽ പ്രശ്നമുണ്ടായിരുന്നു. ശാരീരികവും മാനസികവുമായുള്ള പീഡനം തുടര്ന്നിരുന്നു. എന്നാലും അതുല്യയ്ക്ക് സതീഷിനോട് വലിയ സ്നേഹമായിരുന്നു. പലപ്പോഴും ചെയ്ത കാര്യങ്ങളൊന്നും ഓര്മയില്ലെന്നും പറ്റിപ്പോയെന്നുമൊക്കെ സതീഷ് മാപ്പ് പറഞ്ഞിരുന്നു. തുടര്ന്ന് വീണ്ടും സതീഷിനൊപ്പം ജീവിക്കാൻ അതുല്യ തീരുമാനിക്കുകയായിരുന്നുഎന്നും അതുല്യയുടെ സുഹൃത്ത് പറയുന്നു.
