ഫറ ഷിബില ദിൻജിത് അയ്യത്താനം സംവിധാനം ചെയ്ത കക്ഷി അമ്മിണിപ്പിള്ള എന്ന ചിത്രത്തിലൂടെ സിനിമാ രംഗത്ത് സജീവമായ താരമാണ്. ഇപ്പോഴിതാ തന്റെ ബാല്യകാലത്ത് നേരിടേണ്ടി വന്ന മോശം അനുഭവത്തെക്കുറിച്ച് ഒരു ഓൺലൈൻ മീഡിയയോട് സംസാരിച്ചിരിക്കുകയാണ് ഫറ.
കുട്ടിയായിരിക്കുമ്പോൾ കുടുംബത്തിലെ ഒരു ബന്ധുവിൽ നിന്ന് തനിക്ക് ലൈംഗികാതിക്രമം നേരിട്ടതായി താരം പറയുന്നു. താൻ അഞ്ചാം ക്ലാസിൽ പഠിക്കുമ്പോൾ അടുത്ത ബന്ധുവിൽ നിന്നും മോശം അനുഭവം നേരിട്ടുവെന്നാണ് നടി പറയുന്നത്.
എന്നാൽ ആ വ്യക്തിയിൽ നിന്നും ലൈംഗിക അതിക്രമം നേരിട്ടുവെന്നും വീട്ടിൽ പറഞ്ഞപ്പോൾ തന്നോട് മിണ്ടാതിരിക്കാനാണ് വീട്ടിൽ നിന്നും പറഞ്ഞത് എന്നും താരം കൂട്ടിച്ചേർത്തു.
അത് നിനക്ക് തോന്നിയതായിരിക്കാം അങ്ങനെ ഒന്നും അല്ല എന്ന തരത്തിലാണ് തനിക്ക് വീട്ടിൽ നിന്നും ലഭിച്ച പ്രതികരണം. എന്നാൽ സംഭവിച്ചത് തനിക്ക് ഒട്ടും അംഗീകരിക്കാൻ കഴിയാത്ത, കംഫർട്ടബിൾ അല്ലാത്ത കാര്യമാണ് എന്ന് തനിക്ക് അറിയാമെന്നും നടി പറയുന്നു.
ഒരിക്കൽ താൻ മദ്രസയിൽ എത്തിയപ്പോൾ ആളുകളുടെ മുന്നിൽ വച്ച് പരസ്യമായി തന്റെ തട്ടം വലിച്ചൂരിയ ഒരു അനുഭവവും തനിക്ക് അവിടെ വച്ച് ഉണ്ടായി.
അന്ന് തനിക്ക് വലിയ അപമാനം നേരിട്ടതായി തോന്നിയെന്നും താരം വ്യക്തമാക്കി. മദ്രസകളിലും കുട്ടികളെ മോശമായി ഉപയോഗിക്കുന്നു. എല്ലാ ഉസ്താദുമാരും മോശമാണ് എന്നല്ല എന്നാൽ എനിക്ക് കുറച്ചുകൂടി വളരെ മോശമായിട്ടുള്ള എക്സ്പീരിയൻസ് ആണ് അവിടെ നിന്നും ഉണ്ടായിട്ടുള്ളത്. മദ്രസകളിൽ ഇത്തരം കാര്യങ്ങൾ സ്ഥിരം പരിപാടിയാണ് എന്നും ഫറ ഷിബില പറഞ്ഞു.
