നടന് വിഷ്ണു വിശാല് ഗട്ട ഗുസ്തി 2 എന്ന പുതിയ സിനിമയുടെ പ്രമോഷന് തിരക്കുകളിലാണ് ഇപ്പോള്. ഐശ്വര്യ ലക്ഷ്മിയാണ് ചിത്രത്തിലെ നായിക.ഇപ്പോഴിതാ സിനിമയുടെ പ്രിപ്രൊഡക്ഷന് ജോലികള് പുരോഗമിക്കുന്നതിനിടയില് തന്റെ ആരോഗ്യ സ്ഥിതിയെ കുറിച്ച് വെളിപ്പെടുത്തുകയാണ് വിഷ്ണു വിശാല്. സോഷ്യല് മീഡിയയിലൂടെയാണ് വിഷ്ണു വിശാല് തന്റെ ഓട്ടോ ഇമ്യൂണല് അസുഖത്തെ കുറിച്ച് പറയുന്നത്.
നാല് വർഷത്തോളമായി ഓട്ടോഇമ്മ്യൂൺ രോഗബാധയുമായി പോരാടുകയാണ് എന്നാണ് താരം വെളിപ്പെടുത്തിയത്.
താരത്തിന്റെ മുഖം നീരുവന്ന് ചീർത്തിരിക്കുന്ന അവസ്ഥയിലായിരുന്നു. ഇത് ആരാധകരെ ആശങ്കയിലാക്കിയിരുന്നു. മെസേജുകളിലൂടെയും കമന്റുകളിലൂടെയും നിവധി പേരാണ് താരത്തോട് കാരണം തിരക്കിയത്. ഇതോടെയാണ് വിഷ്ണു തന്റെ രോഗാവസ്ഥയെക്കുറിച്ച് വെളിപ്പെടുത്തൽ നടത്തിയത്. മരുന്ന് കഴിക്കുന്നതിലാണ് തന്റെ മുഖം വീർത്തിരിക്കുന്നത് എന്നാണ് താരം പറയുന്നത്. ആരോഗ്യത്തിനാണ് താനിപ്പോൾ പ്രധാന്യം കൊടുക്കുന്നതെന്നും താരം പറഞ്ഞു.
വിഷ്ണു വിശാലിന്റെ കുറിപ്പ് വായിക്കാം
കമന്റുകളിലൂടെയും മെസേജുകളിലൂടെയും നിങ്ങൾ കാണിച്ച സ്നേഹത്തിനും കരുതലിനും ഒരുപാട് നന്ദി. ഇത് എനിക്ക് ഏറെ വിലപ്പെട്ടതാണ്, അതുകൊണ്ടാണ് ഇത് നിങ്ങളെ അറിയിക്കണമെന്ന് ഞാൻ ആഗ്രഹിച്ചതും. കഴിഞ്ഞ കുറച്ചു നാളുകളായി എന്റെ മുഖം വളരെ ക്ഷീണിതമായി കാണപ്പെടുന്നു എന്ന് നിങ്ങളിൽ പലരും ശ്രദ്ധിച്ചിരുന്നു. അതിനുള്ള കാരണം, കഴിഞ്ഞ 3-4 വർഷമായി ഞാൻ ഒരു ഓട്ടോഇമ്മ്യൂൺ രോഗാവസ്ഥയിലൂടെയാണ് കടന്നുപോകുന്നത്. ഇതിനായി ഞാൻ ഇടയ്ക്കിടെ കഴിക്കുന്ന മരുന്നുകൾക്ക് ചില പാർശ്വഫലങ്ങളുണ്ട്. എന്റെ മുഖം വീർത്തിരിക്കുന്നതിന് കാരണം അതാണ്. ഈ ചികിത്സ വൈദ്യശാസ്ത്രപരമായി എനിക്ക് അനിവാര്യമാണ്, എന്റെ ആരോഗ്യത്തിനാണ് ഞാൻ ഇപ്പോൾ പ്രഥമ പരിഗണന നൽകുന്നത്.
എങ്കിലും, നിങ്ങളുടെ സ്നേഹവും, ഞാൻ വിശ്വസിക്കുന്ന എന്റെ ജോലിയും, ‘ഗാട്ട ഗുസ്തി 2’ എന്ന ചിത്രത്തിന് വേണ്ടി അശ്രാന്തം പരിശ്രമിച്ച എല്ലാവരോടുമുള്ള എന്റെ ഉത്തരവാദിത്തവുമാണ് എന്നെ മുന്നോട്ട് നയിക്കുന്നത്. അതുകൊണ്ടാണ് സിനിമയുടെ പ്രമോഷനുകളിലും നിങ്ങൾക്കുമുന്നിലും ഞാൻ ഇപ്പോഴും സജീവമായി പങ്കെടുത്തുകൊണ്ടിരിക്കുന്നത്. എന്റെ ആരോഗ്യം ഉടൻ തന്നെ മെച്ചപ്പെടുമെന്ന് ഞാൻ പ്രതീക്ഷിക്കുന്നു.നിങ്ങളുടെ ഈ കരുതൽ എന്നെ എന്നെക്കുറിച്ച് കൂടുതൽ നന്നായി ശ്രദ്ധിക്കാൻ പ്രേരിപ്പിക്കുന്നു. ഓരോ സന്ദേശങ്ങൾക്കും നിങ്ങളുടെ പിന്തുണയ്ക്കും ഞാൻ ആത്മാർത്ഥമായി നന്ദി പറയുന്നു. പ്രമോഷന്റെ അവസാന വാരത്തിലേക്ക് കടക്കുമ്പോൾ, ഞാൻ തികഞ്ഞ പോസിറ്റിവിറ്റിയിലും ആവേശത്തിലുമാണ്. ജൂലൈ 3-ന് തിയേറ്ററുകളിൽ എത്തുന്ന ‘ഗാട്ട ഗുസ്തി 2’ നിങ്ങളെല്ലാവരും കാണാൻ ഞാൻ ആകാംക്ഷയോടെ കാത്തിരിക്കുന്നു.
