നിയമസഭാ തെരഞ്ഞെടുപ്പ് പടിവാതില്ക്കലെത്തി നില്ക്കെ സതീശന്പുനര്ജനി കുരുക്ക്, സിബിഐ അന്വേഷണത്തിന് ശുപാര്ശ ചെയ്ത് വിജിലന്സ്.അന്വേഷണത്തെ പ്രതിപക്ഷ നേതാവ് വി.ഡി സതീശന് സ്വാഗതം ചെയ്തു
പ്രതിപക്ഷ നേതാവ് വി ഡി സതീശനെതിരായ പുനര്ജനി കേസില് സിബിഐ അന്വേഷണത്തിന് ശുപാര്ശ ചെയ്ത് വിജിലന്സ്. സതീശന് വിദേശ ഫണ്ട് പിരിച്ചതില് ക്രമക്കേടെന്നാണ് വിജിലന്സിന്റെ കണ്ടെത്തല്. വിദേശ ഫണ്ട് പിരിവ് കേന്ദ്ര നിയമത്തിന്റെ ലംഘനമാണെന്നും വിജിലന്സ് പറയുന്നു. സ്വകാര്യ സന്ദര്ശനത്തിന് കേന്ദ്രത്തില് നിന്ന് അനുമതി വാങ്ങിയാണ് സതീശന് വിദേശത്തേയ്ക്ക് പോയത്. അത്തരത്തില് വിദേശത്ത് പോയി ഫണ്ട് സ്വരൂപിക്കുകയും കേരളത്തിലെ അക്കൗണ്ടിലേക്ക് എത്തിക്കുകയും ചെയ്തു. ഇത് നിയമലംഘനമാണെന്നാണ് വിജിലന്സിന്റെ കണ്ടെത്തല്. കേസില് സിബിഐ അന്വേഷണം ആവശ്യമാണെന്നും വിജിലന്സ് പറയുന്നു. നിയമസഭാ തെരഞ്ഞെടുപ്പിന് രണ്ടുമാസം മാത്രം ശേഷിക്കെ ഇത്തരത്തിലുളള ഒരു നീക്കം രാഷ്ട്രീയപ്രേരിതമാണെന്നാണ് പ്രതിപക്ഷ വിമര്ശനം. തെരഞ്ഞെടുപ്പ് വേളയില് സതീശനെ പൂട്ടാനാണ് ഈ നീക്കമെന്ന് പൊതു വിമര്ശനമുണ്ട്.
പുനര്ജനി പദ്ധതിയുടെ പേരില് വിദേശത്ത് നിന്നും ഫണ്ട് പിരിച്ചതിലെ ക്രമക്കേട് സിബിഐ അന്വേഷിക്കണമെന്നാണ് വിജിലന്സിന്റെ ശുപാര്ശ. ഒരു വര്ഷം മുന്പാണ് മുന് ഡയറക്ടര് യോഗേഷ് ഗുപ്ത ശുപാര്ശ ചെയ്തത്.എഫ്സിആര്എ നിയമത്തിന്റെ ലംഘനവും സ്വകാര്യ സന്ദര്ശനത്തിനായി കേന്ദ്ര സര്ക്കാരില് നിന്ന് അനുമതി നേടിയ ശേഷം വിദേശത്ത് പോയി ഫണ്ട് സ്വരൂപിച്ചതും അത് കേരളത്തിലെ അക്കൗണ്ടിലേക്ക് എത്തിച്ചതിലെ നിയമലംഘനവും ചൂണ്ടിക്കാട്ടിയാണ് സിബിഐ അന്വേഷണത്തിന്റെ ആവശ്യകതയിലേക്ക് വിജിലന്സ് ശുപാര്ശ ചെയ്തിരിക്കുന്നത്.
എഫ്സിആര്എ നിയമത്തിന്റെ ലംഘനം, സ്വകാര്യ സന്ദര്ശനത്തിനായി കേന്ദ്ര സര്ക്കാരില് നിന്ന് അനുമതി നേടിയ ശേഷം വിദേശത്ത് പോയി ഫണ്ട് സ്വരൂപിച്ചത്, അത് കേരളത്തിലെ അക്കൗണ്ടിലേക്ക് എത്തിച്ചതിലെ നിയമലംഘനം എന്നിവ ചൂണ്ടിക്കാട്ടിയാണ് സിബിഐ അന്വേഷണം വേണമെന്ന ആവശ്യകതയിലേക്ക് വിജിലന്സ് ശുപാര്ശ ചെയ്തിരിക്കുന്നത്. എഫ്സിആര്എ നിയമം, 2010 ലെ സെക്ഷന് 3 (2) (എ) പ്രകാരം സിബിഐ അന്വേഷണം നടത്തണമെന്നാണ് വിജിലന്സിന്റെ ശുപാര്ശ. കേരള നിയമസഭയുടെ റൂള് ഓഫ് പ്രൊസീജിയേഴ്സിലെ അനുബന്ധം 2 ലെ റൂള് 41 പ്രകാരം നിയമസഭാ സാമാജികന് എന്ന തരത്തില് നടത്തിയ നിയമ ലംഘനത്തിന് സ്പീക്കര് നടപടി സ്വീകരിക്കണമെന്നും വിജിലന്സ് ശുപാര്ശ ചെയ്തിട്ടുണ്ട്. ഇതും ഗൗരവമുള്ള വിഷയമാണ്. എംഎല്എ സ്ഥാനത്തിന് അയോഗ്യത വരുന്നതിനാൽ സതീശനെ നിയമസഭാ മത്സരത്തിൽ നിന്ന് തടയാൻ തന്നെയാണ് സർക്കാർ ലക്ഷൃം.
മണപ്പാട്ട് ഫൗണ്ടേഷന് എന്ന പേരില് ‘പുനര്ജ്ജനി പദ്ധതി’ക്കായി ഫൗണ്ടേഷന് രൂപീകരിച്ചാണ് വിദേശത്ത് നിന്നും സതീശൻ പണം സ്വീകരിച്ചതെന്ന് വിജിലൻസ് പറയുന്നു. യുകെയില് നിന്നും 22500 പൗണ്ട് (19,95,880.44 രൂപ) വിവിധ വ്യക്തികളില് നിന്നും സമാഹരിച്ച് മണപ്പാട്ട് ഫൗണ്ടേഷന്റെ അക്കൗണ്ടിലേക്ക് അയച്ചതായാണ് വിജിലന്സസിന്റെ കണ്ടെത്തല്. യുകെ ആസ്ഥാനമായുള്ള മിഡ്ലാന്ഡ് ഇന്റര്നാഷണല് എയ്ഡ് ട്രസ്റ്റ് എന്ന എന്ജിഒ വഴിയാണ് മണപ്പാട്ട് ഫൗണ്ടേഷന്റെ എഫ്സിആര്എ അക്കൗണ്ടിലേക്ക് പണം അയച്ചത്. യുകെയില് സംഘടിപ്പിച്ച പരിപാടിയില് പങ്കെടുത്തവരോട് പ്രളയബാധിതരായ സ്ത്രീകള്ക്ക് പുനരധിവാസത്തിന്റെ ഭാഗമായി നെയ്ത്തു യന്ത്രം വാങ്ങാന് 500 പൗണ്ട് വീതം നല്കണമെന്ന് വി ഡി സതീശന് അഭ്യര്ഥിക്കുന്ന വീഡിയോ തെളിവായി വിജിലന്സ് പരിശോധിച്ചിട്ടുണ്ട്.
