തിരുവനന്തപുരം: കണ്ണൂർ: ഗോവിന്ദചാമിയുടെ ജയിൽചാട്ടവുമായി ബന്ധപ്പെട്ട് കണ്ണൂർ സെൻട്രൽ ജയിലിലെ നാല് ഉദ്യോഗസ്ഥർക്കെതിരെ നടപടി. നാല് പേരെ സർവീസിൽ നിന്ന് അന്വേഷണ വിധേയമായി സസ്പെൻഡ് ചെയ്തു. ജയിലുദ്യോഗസ്ഥർക്ക് വീഴ്ചയുണ്ടായെന്ന് ജയിൽ മേധാവി എഡിജെപി ബൽറാം കുമാർ ഉപാധ്യായ പ്രതികരിച്ചു.
കമ്പി മുറിക്കാനുള്ള ബ്ലേഡ് തന്നത് ജയിലിലുള്ള ഒരാളെന്നാണ് ഗോവിന്ദച്ചാമി മൊഴി നൽകി . പൊലീസിന്റെ ചോദ്യം ചെയ്യലിലാണ് ഗോവിന്ദചാമി ഇക്കാര്യം പറഞ്ഞത്. ആയുധം നൽകിയ ആളെ കണ്ടെത്താൻ അന്വേഷണം തുടങ്ങിയതായി പൊലീസ് അറിയിച്ചു.
അതേസമയം ജയില് ചാടാന് ഗോവിന്ദച്ചാമി മാസങ്ങള് നീണ്ട തയ്യാറെടുപ്പ് നടത്തിയിരുന്നതായാണ് വിവരം. ചോറ് കഴിച്ചിരുന്നില്ല. ഡോക്ടറുടെ അടുത്തുനിന്ന് എഴുതി വാങ്ങി ചപ്പാത്തി മാത്രം കഴിച്ചു. തുടർന്ന് ശരീരഭാരം പകുതിയായി കുറച്ചു.
സെല്ലിലെ രണ്ട് കമ്പികള് മുറിച്ചാണ് ഇയാള് പുറത്തുകടന്നത്. താഴത്തെ കമ്പികളാണ് ഇയാൾ മുറിച്ചത്. ജയിലില് നിര്മാണ പ്രവര്ത്തനങ്ങള് നടക്കുന്നുണ്ട്. അവിടെനിന്നും ഹാക്സോ ബ്ലേഡ് സംഘടിപ്പിച്ചു. ദിവസങ്ങളായി കുറച്ച് കുറച്ചായി കമ്പികള് മുറിക്കാനുളള ശ്രമം നടത്തി. ഉപ്പുവെച്ച് കമ്പികള് തുരുമ്പടിപ്പിച്ചതായും സംശയമുണ്ട്.
ഇന്ന് സെല്ലില് നിന്ന് പുറത്തിറങ്ങിയത് 1.15 ഓടെയാണ്. 1.10-ന് ഒരു വാര്ഡന് വന്ന് ടോര്ച്ചടിച്ച് നോക്കിയപ്പോള് പുതച്ചുമൂടിയ നിലയില് രൂപമുണ്ടായിരുന്നു
അതേസമയം അഴികൾ മുറിക്കാൻ ഏകദേശം ഒന്നര മാസത്തോളം സമയമെടുത്തുവെന്ന് പ്രതി സമ്മതിച്ചു. കൂടാതെ മുറിച്ചതിന്റെ പാടുകൾ പുറത്തുനിന്ന് കാണാതിരിക്കാൻ തുണികൊണ്ട് കെട്ടിവെച്ചതായും ഇയാൾ മൊഴി നൽകി. കൂടാതെ ജയിലിന്റെ മതിൽ ചാടുന്നതിനായി പാൽപ്പാത്രങ്ങളും ഡ്രമ്മുകളും ഉപയോഗിച്ചതായും ഗോവിന്ദച്ചാമി വെളിപ്പെടുത്തി.
ജയിൽ ചാടിയതിന് ശേഷം ഗുരുവായൂരിൽ എത്തി മോഷണം നടത്താനായിരുന്നു പ്രതിയുടെ പ്രാഥമിക ലക്ഷ്യം.
