കോയമ്പത്തൂർ : വായിൽ പ്ലാസ്റ്റർ ഒട്ടിച്ച്, തുണികൊണ്ടു കൈകാലുകൾ ബന്ധിച്ച നിലയിൽ വയോധികയുടെ മൃതദേഹം കണ്ടെത്തി. കോയമ്പത്തൂരിൽ ആണ് സംഭവം. ആര്യവൈദ്യ ഫാർമസി (എവിപി) സ്ഥാപകൻ പി.വി.രാമവാരിയരുടെ മകളും മുൻ മാനേജിങ് ഡയറക്ടർ പി.ആർ.കൃഷ്ണകുമാറിന്റെ സഹോദരിയുമായ കസ്തൂരി ജി. കുട്ടിയെയാണ് (82) കൊല്ലപ്പെട്ട നിലയിൽ കണ്ടെത്തിയത്.
അതേസമയം വീട്ടിലെ ജോലിക്കാരി നേപ്പാൾ സ്വദേശി സുർജയെ (38) സംഭവത്തിനുശേഷം കാണാതായി.
സുർജ അടക്കം 4 പേർ ബാഗുമായി വീടിൻ്റെ മതിൽ ചാടിക്കടന്നു പോകുന്ന സിസിടിവി ദൃശ്യങ്ങൾ പൊലീസിനു ലഭിച്ചു. സംഭവത്തിൽ വീട്ടുജോലിക്കാരിക്കായി പൊലീസ് അന്വേഷണം തുടങ്ങി.
