തിരുവനന്തപുരം: പാകിസ്താനുവേണ്ടി ചാരവൃത്തി നടത്തിയെന്ന പരാതിയില് അറസ്റ്റിലായ ഹരിയാനയിലെ വ്ളോഗർ ജ്യോതി മല്ഹോത്ര കേരളത്തിലെത്തിയത് സംസ്ഥാന സര്ക്കാരിന്റെ ക്ഷണപ്രകാരം. വിനോദ സഞ്ചാര കേന്ദ്രങ്ങളുടെ പ്രചാരണത്തിനായാണ് ജ്യോതിയെ ടൂറിസം വകുപ്പ് ക്ഷണിച്ചത്. യാത്ര, ഭക്ഷണം, താമസം തുടങ്ങിയ ചെലവുകളും ദൃശ്യങ്ങൾ പകർത്താനുള്ള സൗകര്യവും അധികൃതർ ഒരുക്കി.
കണ്ണൂര്, കോഴിക്കോട്, കൊച്ചി, ആലപ്പുഴ, മൂന്നാര് എന്നിവിടങ്ങളിലാണ് ജ്യോതി മല്ഹോത്ര ടൂറിസം വകുപ്പിന്റെ ചെലവില് യാത്ര ചെയ്തത്. പാക്കിസ്ഥാന് വേണ്ടി ചാര പ്രവര്ത്തനത്തിനായിരുന്നു ഈ യാത്രകള് എന്നാണ് ആരോപണം. അതായത് സംസ്ഥാന സര്ക്കാരിന്റെ ചെലവില് പാക്കിസ്ഥാന് ദൗത്യം പൂര്ത്തിയാക്കി.
സർക്കാർ സമൂഹമാധ്യമങ്ങളിലൂടെ പ്രശസ്തരായ 41 പേരെയാണ് കേരളത്തിലേക്ക് ക്ഷണിച്ചത്. അന്നു ജ്യോതി ചാരവൃത്തി നടത്തിയതായി തെളിഞ്ഞിരുന്നില്ല. ചാരവൃത്തി കണ്ടെത്തിയതോടെ കേരളത്തിൽ കേന്ദ്ര ഏജൻസികൾ അന്വേഷണം നടത്തിയിരുന്നു. ജ്യോതി സന്ദർശിച്ച സ്ഥലങ്ങൾ കേന്ദ്രീകരിച്ചായിരുന്നു അന്വേഷണം. പഹൽഗാം ഭീകരാക്രമണത്തിനു മുൻപ് ജ്യോതി പാക്കിസ്ഥാൻ സന്ദർശിച്ചതായി ഹരിയാന പൊലീസ് കണ്ടെത്തിയിരുന്നു.
