അപസ്മാര പ്രചാരണത്തില്‍ ജയിലിനുളളില്‍ ആശങ്ക പരത്തി, തുടര്‍ന്ന് ജയില്‍ ചാട്ടം. 13 പേരെ തമിഴ്നാട് പോലീസ് പിടികൂടി.
അപസ്മാര കഥ പ്രചരിപ്പിച്ച് ജയില്‍ ആശങ്ക പരത്തി. തുടര്‍ന്ന് ജയില്‍ ചാട്ടം..തേനി ജയിലില്‍ നിന്ന് 17 റിമാന്‍ഡ് തടവുകാര്‍ ചാടിപ്പോയി; 13 പേരെ പിടികൂടി.
തിങ്കളാഴ്ച രാത്രി ജയില്‍ ഉദ്യോഗസ്ഥരെ ആക്രമിച്ച ശേഷമാണ് ഇവര്‍ രക്ഷപ്പെട്ടത്. സംഭവത്തെത്തുടര്‍ന്ന് ജില്ലാ പോലീസ് ജാഗ്രതാ നിര്‍ദ്ദേശം പുറപ്പെടുവിക്കുകയും, തമിഴ്നാട്-കേരള അതിര്‍ത്തിയിലെ ചെക്ക് പോയിന്റുകളില്‍ വന്‍ പോലീസ് സന്നാഹത്തെ വിന്യസിക്കുകയും ചെയ്തു. വനമേഖലയില്‍ ഡ്രോണുകള്‍ ഉപയോഗിക്കുകയും ചെയ്തു.
തേനി ജില്ലയിലെ ആണ്ടിപ്പട്ടിക്ക് സമീപമുള്ള സബ് ജയിലില്‍ നിന്ന്, തിങ്കളാഴ്ച രാത്രി 11 മണിയോടെ 17 റിമാന്‍ഡ് തടവുകാര്‍ ജയില്‍ ഉദ്യോഗസ്ഥരെ ആക്രമിച്ച ശേഷം രക്ഷപ്പെടുകയായിരുന്നു. ചൊവ്വാഴ്ച വൈകുന്നേരത്തിനകം പ്രത്യേക പോലീസ് സംഘങ്ങള്‍ ഇവരില്‍ 13 പേരെ പിടികൂടി.
സംഭവത്തെത്തുടര്‍ന്ന് ജില്ലാ പോലീസ് ജാഗ്രതാ നിര്‍ദ്ദേശം നല്‍കുകയും, തമിഴ്നാട്ടിലുടനീളവും കേരളവുമായുള്ള അതിര്‍ത്തികളിലെ ചെക്ക് പോയിന്റുകളിലും വന്‍ പോലീസ് സന്നാഹത്തെ വിന്യസിക്കുകയും ചെയ്തു.
ഇന്‍സ്‌പെക്ടര്‍ ജനറല്‍ ഓഫ് പോലീസ് (സൗത്ത് സോണ്‍) വിജയേന്ദ്ര ബിദാരി സംഭവസ്ഥലത്തെത്തി, തേനി പോലീസ് സൂപ്രണ്ട് പ്രവീണ്‍ ഗൗതം ഉള്‍പ്പെടെയുള്ള ഉദ്യോഗസ്ഥരുമായി ചേര്‍ന്ന് അന്വേഷണം നടത്തി. പുലര്‍ച്ചെ 3 മണി മുതല്‍ തന്നെ 17 പ്രത്യേക സംഘങ്ങളെ രൂപീകരിക്കുകയും, വിവിധയിടങ്ങളില്‍ മഫ്തിയിലുള്ള പോലീസുകാരെ വിന്യസിക്കുകയും ചെയ്തിരുന്നു. കൂടാതെ, സ്‌പെഷ്യല്‍ ടാസ്‌ക് ഫോഴ്സിന്റെ അഞ്ച് സംഘങ്ങളെയും തമിഴ്നാട് സ്‌പെഷ്യല്‍ പോലീസിന്റെ നാല് സംഘങ്ങളെയും നിയോഗിച്ചു. ജില്ലയിലെ വനമേഖലകളില്‍ ഹൈ-ഡെഫനിഷന്‍ ഡ്രോണുകള്‍ ഉപയോഗിച്ചാണ് പോലീസ് തിരച്ചില്‍ നടത്തിയത്.
തിങ്കളാഴ്ച രാത്രി വൈകി, ഒരു തടവുകാരന് അപസ്മാരമുണ്ടായെന്ന് അവകാശപ്പെട്ട് ജയില്‍ ഉദ്യോഗസ്ഥരെക്കൊണ്ട് സെല്ലിന്റെ വാതില്‍ തുറപ്പിച്ച ശേഷം, 20-നും 25-നും ഇടയില്‍ പ്രായമുള്ള 17 റിമാന്‍ഡ് തടവുകാര്‍ ഉദ്യോഗസ്ഥരെ ആക്രമിച്ചാണ് രക്ഷപ്പെട്ടതെന്നാണ് പ്രാഥമിക അന്വേഷണത്തില്‍ കണ്ടെത്തിയ വിവരം.സാങ്കേതികവിദ്യയുടെ (ഹൈ-ഡെഫനിഷന്‍ ഡ്രോണുകള്‍) ഉപയോഗവും ഉദ്യോഗസ്ഥര്‍ തമ്മിലുള്ള മികച്ച ഏകോപനവുമാണ് തടവുകാരെ വേഗത്തില്‍ പിടികൂടാന്‍ സഹായിച്ചതെന്ന് ഡയറക്ടര്‍ ജനറല്‍ ഓഫ് പോലീസും (ഡിജിപി) പോലീസ് ഫോഴ്സ് മേധാവിയുമായ മഹേഷ് കുമാര്‍ അഗര്‍വാള്‍ അറിയിച്ചു.
