ഒരുവാക്കുപോലും ഉരിയാടാതെ വിജയ്, ഒന്നു കാണാന് ആയിരങ്ങള്, ചെന്നൈയിലും സൂപ്പര് സ്റ്റാറിന്റെ റോഡ് ഷോ ഹിറ്റ്
സൂര്യ ന്യൂസ് ടീം
ചെന്നൈ: കന്യാകുമാരിയിലെ സൈക്കിള് റോഡ് ഷോയ്ക്കിടെ പൂവേറില് ഭയന്നു തിരിച്ചോടി എന്ന വിവാദം ദളപതി വിജയ് എന്ന സൂപ്പര് സ്റ്റാറിന്റെ പ്രചാരണത്തെ തെല്ലും ബാധിച്ചിട്ടില്ല. തമിഴ്നാട്ടില് ഭരണ സഖ്യമായ ഡിഎംകെ തുടര്ഭരണം ഉറപ്പിച്ചെന്ന റിപ്പോര്ട്ടുകള്ക്കിടയിലും തമിഴക വെട്രി കഴകം പ്രസിഡന്റിന്റെ തലസ്ഥാന നഗരത്തിലെ ഷോ സൂപ്പര് ഹിറ്റായി. തമിഴ് പുതുവര്ഷ പിറ്റേന്ന് ചെന്നൈ നഗരം വിജയിനായി കാത്തുനിന്നു.
ഒരു വാക്കുപോലും ഉരിയാടാതെ, നടനും തമിഴക വെട്രി കഴകം പ്രസിഡന്റുമായ സി. ജോസഫ് വിജയ്, ടി. നഗര്, എഗ്മോര്, തൗസന്ഡ് ലൈറ്റ്സ് മണ്ഡലങ്ങളിലെ റോഡുകളില് ആരാധകരും പാര്ട്ടി പ്രവര്ത്തകരും പൊതുജനവും അണിനിരന്നതോടെ ദക്ഷിണ ചെന്നൈയുടെ ചില ഭാഗങ്ങളില് മണിക്കൂറുകളോളം ജനജീവിതം സ്തംഭിച്ചു.നന്ദനം മെട്രോയില് നിന്ന് റോഡ് സൈഡില് തടിച്ചുകൂടിയ യുവാക്കള്ക്കും സ്ത്രീകള്ക്കും നേരെ വിജയ് കൈവീശി,
ഹോട്ടല് മജസ്റ്റിക്കിന് സമീപം വച്ച് അദ്ദേഹം വാഹനത്തിനു മുകളിലേറി.മേല്ക്കൂരകളിലും നടപ്പാതകളിലും ജനക്കൂട്ടത്തിന് കൈവീശി. വാനിന് ചുറ്റും തടിച്ചുകൂടിയ ജനക്കൂട്ടത്തെ ഒഴിപ്പിക്കാനും നടക്കുന്നത് ഉറപ്പാക്കാനും പോലീസിന് പലതവണ ഇടപെടേണ്ടിവന്നു.
കഴുത്തില് ഒരു വിസില് ധരിച്ച്, തന്റെ അംഗരക്ഷകര്. ചുറ്റും പ്രവര്ത്തകര്.പ്രചാരണം അവസാനിപ്പിക്കുന്നതിന് മുമ്പ് ശ്രീ വിജയ് ആളുകളെ കൈവീശുകയും പൂക്കള് എറിയുകയും ചെയ്തു. പ്രചാരണ സ്ഥലങ്ങളിലെല്ലാം വിജയിനൊപ്പം ആതാത് മണ്ഡലങ്ങളിലെ ടിവികെ സ്ഥാനാര്ഥികള് വാഹനത്തില് കയറി ജനക്കൂട്ടത്തെ അഭിവാദ്യം ചെയ്തു. ഏപ്രില് 23 നാണ് തമിഴ്നാട്ടിലെ നിയമസഭാ തെരഞ്ഞെടുപ്പ്.
