ലൈംഗിക പീഡനക്കേസിലെ പരാതിക്കാരിക്കെതിരെ കൂടുതൽ തെളിവുമായി പാലക്കാട് എംഎൽഎ രാഹുൽ മാങ്കൂട്ടത്തിൽ. തിരുവനന്തപുരം ജില്ലാ കോടതിയിലാണ് മൂന്ന് തെളിവുകൾ മുദ്രവച്ച കവറിൽ സമർപ്പിച്ചത്.
ഇത് രണ്ടാം തവണയാണ് രാഹുൽ കോടതി മുമ്പാകെ തെളിവുകൾ സമർപ്പിക്കുന്നത്. യുവതി പരാതി നൽകിയ ഉടൻ തന്നെ ഫേസ്ബുക്കിൽ നിയമ പോരാട്ടം നടത്തുമെന്ന് രാഹുൽ സൂചിപ്പിച്ചിരുന്നു.
ചിത്രങ്ങൾ, വാട്സാപ്പ് ചാറ്റുകളുടെ ഹാഷ്വാല്യു സർട്ടിഫിക്കറ്റ്, ഫോൺ സംഭാഷണങ്ങൾ എന്നിവയാണ് അവ. മുൻകൂർ ജാമ്യ ഹർജി സമർപ്പിച്ച ശേഷം ഇത് രണ്ടാം തവണയാണ് യുവതിക്കെതിരെ കൂടുതൽ തെളിവുകൾ രാഹുൽ സമർപ്പിക്കുന്നത്. ഒളിവിൽ കഴിയുന്ന രാഹുലിന് വേണ്ടി അഭിഭാഷകനാണ് കോടതിയിൽ തെളിവ് നൽകിയത്.
