പുതുപ്പള്ളിയിൽ ബാർ ജീവനക്കാരനെ ആക്രമിച്ചു കൊലപ്പെടുത്താൻ ശ്രമിച്ച കേസിലെ പ്രധാന പ്രതി അറസ്റ്റിൽ.
കഴിഞ്ഞ 29 ന് വൈകുന്നേരം പുതുപ്പള്ളി കൈതേപ്പാലം ഭാഗത്ത് ബാർ ഹോട്ടലിന്റെ പാർക്കിംഗ് ഗ്രൗണ്ട് ഭാഗത്ത് വെച്ച് ബാറിലെ സ്റ്റാഫുകളെ ചീത്തവിളിച്ച് ബഹളം വയ്ക്കുന്ന സമയം ചോദ്യം ചെയ്ത ജീവനക്കാരനെ സംഘമായി ചേർന്ന് ദേഹോപദ്രവം ഏൽപ്പിക്കുകയും ഒരു ബിയർ കുപ്പി കൊണ്ട് മുഖത്തിനടിച്ച് മാരകമായി പരിക്കേൽപ്പിക്കുകയും ചെയ്ത സംഭവത്തിലെ പ്രധാന പ്രതിയാണ് അറസ്റ്റിലായത് .
കേസെടുത്തു അന്വേഷണം നടത്തിവരവേ 2-ാം പ്രതിയും നിരവധി ക്രിമിനൽ കേസുകളിലെ പ്രതിയുമായ കോട്ടയം ഈസ്റ്റ് പോലീസ് സ്റ്റേഷൻ റൗഡി ലിസ്റ്റിൽ ഉൾപ്പെട്ട ആളുമായ പുതുപ്പളളി വില്ലേജ് ചെമ്മരപ്പളളി ഭാഗത്ത് ഇഞ്ചകാട്ടുകുന്നേൽ വീട്ടിൽ സുനിൽനാരായണൻ മകൻ ജോഷ്വ എസ് (22) നെ പുതുപ്പളളിയിൽ ഉളള വീട്ടിൽ നിന്നും അറസ്റ്റ് ചെയ്യുകയായിരുന്നു.
കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. മറ്റു പ്രതികൾക്കായി അന്വേഷണം നടന്നുവരുന്നു.
