റാഞ്ചി: ജാര്ഖണ്ഡ് മുക്തി മോര്ച്ച (ജെഎംഎം) സ്ഥാപക നേതാവും ജാര്ഖണ്ഡ് മുന് മുഖ്യമന്ത്രിയുമായ ഷിബു സോറന് (81) അന്തരിച്ചു. ഡല്ഹിയിലെ ശ്രീ ഗംഗാ റാം ആശുപത്രിയില് ചികിത്സയിലിരിക്കെയാണ് അന്ത്യം. വൃക്ക സംബന്ധമായ അസുഖങ്ങളെ തുടര്ന്ന് ജൂണ് അവസാനത്തോടെയാണ് അദ്ദേഹത്തെ ആശുപത്രിയില് പ്രവേശിപ്പിച്ചത്.
നിലവില് ജാര്ഖണ്ഡില്നിന്നുള്ള രാജ്യസഭാംഗമാണ്. മൂന്നു തവണ ജാര്ഖണ്ഡ് മുഖ്യമന്ത്രിയായിരുന്നു. നാലു പതിറ്റാണ്ട് നീണ്ട രാഷ്ട്രീയ ജീവിതത്തില് എട്ടു തവണ ലോക്സഭയിലേക്ക് തെരഞ്ഞെടുക്കപ്പെട്ടു. രണ്ടു തവണ രാജ്യസഭ എംപിയായി. മന്മോഹന് സിങ് മന്ത്രിസഭയില് അംഗമായിരുന്നു.
