ഡല്ഹിയില് ചെങ്കൊട്ടയ്ക്ക് സമീപം വന് സ്ഫോടനം. ചെങ്കോട്ട മെട്രോ സ്റ്റേഷന്റെ ഗേറ്റ് നമ്പർ 1 ന് സമീപം നിർത്തിയിട്ട രണ്ടു കാറുകൾ പൊട്ടിത്തെറിയ്ക്കുകയായിരുന്നു. സ്ഫോടനത്തിൽ 9 മരണം. എട്ടോളം വാഹനങ്ങൾ കത്തിനശിച്ചതായാണ് വിവരം. നിരവധി പേർക്ക് പരിക്കേറ്റു.
അഞ്ച് ഫയർ എൻജിനുകൾ ചേർന്ന് തീയണയ്ക്കാനുള്ള ശ്രമം നടക്കുകയാണ്. രണ്ടു കാറുകള് പൊട്ടിത്തെറിച്ചെന്നാണ് ലഭിക്കുന്ന വിവരം. ഓട്ടോറിക്ഷയും മോട്ടോർ സൈക്കിളും കത്തി. സംഭവത്തെ തുടർന്ന് ദില്ലിയിൽ അതീവ ജാഗ്രത നിർദേശം പുറപ്പെടുവിച്ചു.
അതേസമയം സംഭവം നടന്നയിടത്ത് ഒരു മൃതദേഹം ചിന്നിച്ചിതറിക്കിടക്കുന്നതും പ്രചരിക്കുന്ന ദൃശ്യങ്ങളില് കാണാം. ദില്ലി പൊലീസിന്റെ സ്പെഷ്യല് സെല് സംഭവ സ്ഥലത്ത് എത്തിയിട്ടുണ്ട്. എൻഎസ്ജി ബോംബ് സ്ക്വാഡും സ്ഥലത്തെത്തി. അതീവ സുരക്ഷാ മേഖലയിലാണ് സ്ഫോടനം ഉണ്ടായത്. നിലവിലെ സാഹചര്യം വിലയിരുത്തുന്നതിനായി അമിത് ഷാ ദില്ലി പൊലീസ് കമ്മീഷണറുമായി സംസാരിച്ചു.
സമീപത്തുനിന്നും ആളുകളെ ഒഴിപ്പിക്കുന്നതായാണ് റിപ്പോര്ട്ടുകള്. പ്രദേശത്ത് പൊലീസ് അതീവ ജാഗ്രതാ നിര്ദേശം നല്കി. ഒരാള് കൊല്ലപ്പെട്ടതായും റിപ്പോര്ട്ടുകള് പറയുന്നു.
നിര്ത്തിയിട്ട കാറില് നിന്നാണ് സ്ഫോടനം ഉണ്ടായത്. സമീപത്തുണ്ടായ കാറുകള്ക്കും തീപിടിച്ചു.
സ്ഫോടനത്തില് നിരവധി പേര്ക്ക് പരിക്കേറ്റതായും റിപ്പോര്ട്ടുകള് ഉണ്ട്. പൊലീസും ഫയര്ഫോഴ്സ് ഉള്പ്പടെയുള്ളവര് സ്ഥലത്തെത്തിയിട്ടുണ്ട്.
