കോട്ടയത്ത് മഴക്കെടുതിയിൽ രണ്ടു മരണം.
മീനച്ചില് താലൂക്കില് വേളത്തുശ്ശേരിയിലുണ്ടായ മണ്ണടിച്ചിലില് ചെന്നൈ സ്വദേശിനി സംഗിത അരുള് ലാല്(35) മരിച്ചതായി സ്ഥിരീകരിച്ചു. വാഗമണില്നിന്ന് സ്കൂട്ടറില് മടങ്ങുന്പോഴാണ് മണ്ണിടിച്ചിലില് പെട്ടത്.
പൂഞ്ഞാർ നടുഭാഗം വില്ലേജിൽ മംഗളഗിരിയില് വീടിനു മുകളിലേക്ക് മണ്ണിടിഞ്ഞു വീണ് ചേലക്കാട്ട് ജോസഫ്(80) മരിച്ചു. വീട്ടിലുണ്ടായിരുന്ന മറ്റു രണ്ടു പേരെ രക്ഷപ്പെടുത്തി. ഇതോടെ ജില്ലയില് മഴക്കെടുതിയില് മരിച്ചവരുടെ എണ്ണം രണ്ടായി.
