കനത്ത മഴ; പത്തനംതിട്ട കണ്ണൂര് കോട്ടയം, ഇടുക്കി ജില്ലകളിലും ചെങ്ങന്നൂര് കുട്ടനാട് താലൂക്കുകളിലും തിങ്കളാഴ്ച അവധി
കനത്ത മഴയെത്തുടര്ന്ന് പത്തനംതിട്ട, കണ്ണൂര് ജില്ലകളിലെ പ്രൊഫഷണല് കോളജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും തിങ്കളാഴ്ച ജില്ലാ കളക്ടര് അവധി പ്രഖ്യാപിച്ചു. അതേസമയം സംസ്ഥാനത്ത് മഴ മുന്നറിയിപ്പില് മാറ്റങ്ങള് വരുത്തി.
തിങ്കളാഴ്ച പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളില് യെല്ലോ അലര്ട്ട് പ്രഖ്യാപിച്ചു.
അതിശക്തമായ മഴയെ തുടര്ന്ന് ആലപ്പുഴ ജില്ലയില് ദുരിതാശ്വാസ ക്യാമ്പുകള് പ്രവര്ത്തിക്കുന്ന എല്ലാ വിദ്യാഭ്യാസ സ്ഥാപനങ്ങള്ക്കുംചെങ്ങന്നൂര്,കുട്ടനാട് താലൂക്കുകളിലെ പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അംഗനവാടികള്ക്കും ട്യൂഷന് സെന്ററുകള്ക്കും ജില്ലാ കളക്ടര് അവധി പ്രഖ്യാപിച്ചു.മുന് നിശ്ചയിച്ച പരീക്ഷകള്ക്ക് മാറ്റമില്ല.
വിദ്യാഭ്യാസ സ്ഥാപനങ്ങള്ക്ക് അവധി
കോട്ടയം : കോട്ടയം ജില്ലയിലെ പ്രഫഷണല് കോളജുകള് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും നാളെ (ഓഗസ്റ്റ് 3 , തിങ്കൾ) ജില്ലാ കളക്ടർ ചേതൻ കുമാർ മീണ അവധി പ്രഖ്യാപിച്ചു. അങ്കണവാടികള്, ട്യൂഷന് സെന്ററുകള്, സ്പെഷൽ ക്ലാസുകൾ എന്നിവയ്ക്കും അവധി ബാധകമാണ്. മുന്കൂട്ടി നിശ്ചയിച്ച പരീക്ഷകൾക്ക് മാറ്റമുണ്ടാകില്ല
