ഫ്ളൈറ്റ് റദ്ദാക്കലിനെയും വൈകലിനെയും തുടര്ന്ന് പ്രതിഷേധവും കണ്ണീരും പടരുന്നതിനിടെ രാജ്യത്ത് ഇന്നും ആഭ്യന്തര – രാജ്യാന്തര വിമാന സര്വീസുകള് മുടങ്ങുമെന്ന് മുന്നറിയിപ്പ് നല്കി ഇന്ഡിഗോ. രാജ്യത്തെ വിവിധ വിമാനത്താവളങ്ങളില് നിന്നുള്ള ആയിരത്തിലധികം സര്വീസുകളാണ് ഇന്നലെ മാത്രം റദ്ദാക്കിയത്. ആയിരക്കണക്കിന് യാത്രക്കാര് വലയുകയാണ്.
വിമാനഡ്യൂട്ടി സമയ നിയന്ത്രണ ചട്ടങ്ങളില് ഇളവ് നല്കി വ്യോമയാനമന്ത്രാലയം പ്രതിസന്ധി പരിഹരിക്കാന് ശ്രമം ആരംഭിച്ചിട്ടുണ്ട്. ഉത്തരവാദികളായവര്ക്കെതിരെ കടുത്ത നടപടിയുണ്ടാകുമെന്ന് കേന്ദ്ര സര്ക്കാരിന്റെ മുന്നറിയിപ്പിന് പിന്നാലെ പ്രതിസന്ധിയില് വ്യോമയാനമന്ത്രാലയം അന്വേഷണം ആരംഭിച്ചു. നാലംഗ സമിതി ഇന്ഡിഗോ ഉദ്യോഗസ്ഥരെ വിളിച്ച് വരുത്തും. ഈ മാസം 15 ന് റിപ്പോര്ട്ട് സമര്പ്പിക്കും.
കേരളത്തിലെ വിമാനത്താവളങ്ങളില് നിന്നുള്ള ഇന്ഡിഗോ വിമാന സര്വീസുകള് വൈകുന്നതും തുടരുകയാണ്. മാറിയ സമയക്രമത്തിന്റെ പശ്ചാത്തലത്തില് യാത്രക്കാര് മുന്നൊരുക്കങ്ങളെടുക്കണമെന്ന് ഇന്ഡിഗോ നിര്ദേശം നല്കി. www.cial.aero ലിങ്ക് വഴിയോ മൊബൈല് ആപ്പ് വഴിയോ സര്വീസ് വിവരങ്ങളുടെ സ്റ്റാറ്റസ് ഉറപ്പിക്കാന് ആണ് യാത്രക്കാര്ക്ക് നിര്ദേശം നല്കിയത്.
