തിരുവനന്തപുരം:ഷാർജയിൽ മരിച്ച അതുല്യയുടെ ഭർത്താവ് സതീഷ് അറസ്റ്റിൽ. ഇയാൾ യുഎഇയില്നിന്ന് നാട്ടിലെത്തിയപ്പോള് തിരുവനന്തപുരം വിമാനത്താവളത്തില്വെച്ചാണ് കസ്റ്റഡിയിലെടുത്തത്.
വിമാനമിറങ്ങിയ ഇയാളെ എമിഗ്രേഷന് അധികൃതര് തടഞ്ഞുവെയ്ക്കുകയും വലിയതുറ പോലീസിന് കൈമാറുകയുമായിരുന്നു. നിലവില്സതീഷ് വലിയതുറ പോലീസിന്റെ കസ്റ്റഡിയിലാണ്. ഇയാള്ക്കെതിരേ കൊല്ലം പോലീസ് നേരത്തേ ലുക്കൗട്ട് നോട്ടീസ് പുറത്തിറക്കിയിരുന്നു.
കൊല്ലം ചവറ തെക്കുംഭാഗം കോയിവിള സ്വദേശിനി അതുല്യ(30)യെ ജൂലായ് 19-നാണ് ഷാര്ജയിലെ ഫ്ളാറ്റില് മരിച്ചനിലയില് കണ്ടെത്തിയത്. ഭര്ത്താവിന്റെ നിരന്തരം പീഡനവും ഉപദ്രവുമാണ് അതുല്യയുടെ മരണത്തിലേക്ക് നയിച്ചതെന്നായിരുന്നു പരാതി.
