ന്യൂഡല്‍ഹി: കോവിഡ് ബാധിച്ച് രാജ്യത്ത് 32 പേര്‍ മരിച്ചു. കേരളത്തില്‍ എട്ട്. നിലവില്‍ 4,000 ഓളം കേസുകള്‍. ഡല്‍ഹി മാസ്‌കിലേക്ക്.തിങ്കളാഴ്ച രാവിലെ 8 മണി വരെയുള്ള 24 മണിക്കൂറിനുള്ളില്‍ ഇന്ത്യയില്‍ നാല് കോവിഡ്-19 മരണങ്ങള്‍ കൂടി റിപ്പോര്‍ട്ട് ചെയ്തു, ഇതോടെ ഈ വര്‍ഷം മരണസംഖ്യ 32 ആയി ഉയര്‍ന്നതായി ആരോഗ്യ മന്ത്രാലയം അറിയിച്ചു. സജീവമായ കേസുകളുടെ എണ്ണം 4,000 ത്തോട് അടുക്കുന്നു. 22 വയസ്സുള്ള യുവതിയുടെ മരണം ഡല്‍ഹിയില്‍ റിപ്പോര്‍ട്ട് ചെയ്തിട്ടുണ്ട്, അതേസമയം തമിഴ്നാട്ടില്‍ മരിച്ച 25കാരന്ബ്രോങ്കിയല്‍ ആസ്ത്മ കോവിഡ് പോസിറ്റീവ് എന്നിവ ഉണ്ടായിരുന്നു .ന്യൂഡല്‍ഹിയില്‍ കോവിഡ് കേസുകള്‍ വര്‍ദ്ധിക്കുന്ന സാഹചര്യത്തില്‍ മാസ്‌ക്
ധരിക്കല്‍ വ്യാപകമായി
ഈ വര്‍ഷം ഏറ്റവും കൂടുതല്‍ കോവിഡ് മരണങ്ങള്‍ രേഖപ്പെടുത്തിയത് കേരളത്തിലും മഹാരാഷ്ട്രയിലുമാണ്. എട്ട് പേര്‍ വീതം.ഡല്‍ഹി, കര്‍ണാടക എന്നിവിടങ്ങളില്‍ നിന്ന് നാല് പേര്‍ വീതം. കൂടാതെ ഗുജറാത്ത്, മധ്യപ്രദേശ്, പഞ്ചാബ്, രാജസ്ഥാന്‍, ഉത്തര്‍പ്രദേശ് എന്നിവിടങ്ങളില്‍ നിന്നാണ് മരണങ്ങള്‍ റിപ്പോര്‍ട്ട് ചെയ്തത്. കേരളത്തില്‍ ഏറ്റവും കൂടുതല്‍ സജീവ കേസുകള്‍ റിപ്പോര്‍ട്ട് ചെയ്തിട്ടുണ്ട്, 1,435, മഹാരാഷ്ട്രയില്‍ 506, ഡല്‍ഹിയില്‍ 483.കോവിഡ് വ്യാപനം നിയന്ത്രിക്കുന്നതിന് അത്യാവശ്യ ഘടകമായി തുടര്‍ച്ചയായ നിരീക്ഷണം നടത്തണമെന്ന് ലോകാരോഗ്യ സംഘടന ശുപാര്‍ശ ചെയ്തിട്ടുണ്ട്.
