മൂവാറ്റുപുഴ: കാമുകിയുമായി കറങ്ങി നടക്കാൻ വേണ്ടി കാർ മോഷ്ടിച്ച യുവാവ് പിടിയിൽ. മൂവാറ്റുപുഴ മുളവൂര് പൈനാപ്പിള് സിറ്റി ഭാഗത്ത് പായിപ്ര പേണ്ടാണത്തു വീട്ടില് അല് സാബിത്തിനെ (19) തിരുവനന്തപുരത്തു നിന്നാണ് എറണാകുളം മൂവാറ്റുപുഴ പൊലീസ് അറസ്റ്റ് ചെയ്തത്. മൂവാറ്റുപുഴയിൽ നിന്ന് എത്തിച്ച കാർ തിരുവനന്തപുരത്ത് എത്തി രൂപ മാറ്റം വരുത്തി, നമ്പർപ്ലേറ്റും മാറ്റിയാണ് ഉപയോഗിസിച്ചിരുന്നത്.
ഇന്സ്റ്റഗ്രാംവഴി പരിചയപ്പെട്ട രണ്ടു കുട്ടികളുടെ അമ്മയായ യുവതിയുമായി പ്രണയത്തിലായിരുന്ന യുവാവ് ഇവർക്കൊപ്പം കറങ്ങി നടക്കാനാണ് കാർ മോഷ്ടിച്ചത് എന്നാണ് പൊലീസിന് നൽകിയ മൊഴി.
കൂടാതെ വാഹനത്തിന് വ്യാജ നമ്പര്പ്ലേറ്റ് ഘടിപ്പിക്കുകയും ചെയ്തിരുന്നതായി പൊലീസ് പറഞ്ഞു.
