കോട്ടയം: കേരളത്തില് കനത്തമഴയും കാറ്റും തുടരുന്ന സാഹചര്യത്തില് എറണാകുളം, കോട്ടയം, തൃശ്ശൂര്, ഇടുക്കി ജില്ലകളിലെ വിദ്യാഭ്യാസ സ്ഥാപനങ്ങള്ക്ക് വെള്ളിയാഴ്ച ജില്ലാ കളക്ടര്മാര് അവധി പ്രഖ്യാപിച്ചു.
എറണാകുളം- ശക്തമായ കാറ്റും മഴയും കണക്കിലെടുത്ത് ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും വെള്ളിയാഴ്ച അവധി പ്രഖ്യാപിക്കുന്നതായി ജില്ലാ കളക്ടര് അറിയിച്ചു. അങ്കണവാടികള്ക്കും ട്യൂഷന് സെന്ററുകള്ക്കും അവധി ബാധകമാണ്.
കോട്ടയം -മഴ തുടരുന്നതിനാലും അതിശക്തമായ മഴ സാധ്യതാ മുന്നറിയിപ്പ് ലഭിച്ചിട്ടുള്ളതിനാലും ജില്ലയിലെ പ്രൊഫഷണല് കോളജുകള്, അങ്കണവാടികള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും വെള്ളിയാഴ്ച ജില്ലാ കളക്ടര് ജോണ് വി. സാമുവല് അവധി പ്രഖ്യാപിച്ചു. മുന് നിശ്ചയിച്ച പരീക്ഷകള്ക്ക് അവധി ബാധകമല്ല. അതിശക്തമായ മഴ തുടരുന്നതിനാല് ജില്ലയിലെ എല്ലാ വിധ ഖനന പ്രവര്ത്തനങ്ങളും ജൂണ് 30 വരെ നിരോധിച്ചിട്ടുണ്ട്.
തൃശ്ശൂര്- ജില്ലയില് ഓറഞ്ച് അലര്ട്ട് പ്രഖ്യാപിക്കുകയും ശക്തമായ മഴ തുടരുകയും ചെയ്യുന്ന സാഹചര്യത്തില് മുന്കരുതല് നടപടിയുടെ ഭാഗമായി നാളെ ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും കളക്ടര് അവധി പ്രഖ്യാപിച്ചു. സിബിഎസ്സി, ഐസിഎസ് സി, കേന്ദ്രീയ വിദ്യാലയം, അങ്കണവാടികള്, മദ്രസകള്, ട്യൂഷന് സെന്ററുകള്, ട്രെയിനിങ് ഇന്സ്റ്റിറ്റ്യൂട്ടുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകമാണ്. മുന്കൂട്ടി നിശ്ചയിച്ച പരീക്ഷകള്ക്കും അഭിമുഖങ്ങള്ക്കും മാറ്റം ഉണ്ടായിരിക്കില്ല.
ഇടുക്കി: ജില്ലയിലെ റെസിഡന്ഷ്യല് സ്കൂളുകള് ഒഴികെയുള്ള വിദ്യാഭ്യാസ സ്ഥാപനങ്ങള്ക്ക് ജൂണ് 27-ന് അവധിയായിരിക്കുമെന്ന് ഇടുക്കി കളക്ടര് അറിയിച്ചു.
കേരളത്തില് അടുത്ത അഞ്ചുദിവസം മഴയ്ക്ക് സാധ്യതയുണ്ട്. വ്യാഴാഴ്ച ഒറ്റപ്പെട്ട അതിതീവ്രമായ മഴയ്ക്കും ജൂണ് 26 മുതല് 28 വരെ ഒറ്റപ്പെട്ട അതിശക്തമായ മഴയ്ക്കും ജൂണ് 26 മുതല് 29 വരെ ഒറ്റപ്പെട്ട ശക്തമായ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ജൂണ് 26, 27 തീയതികളില് കേരളത്തിന് മുകളില് മണിക്കൂറില് പരമാവധി 50 മുതല് 60 കിലോമീറ്റര് വരെ വേഗതയില് കാറ്റുവീശാനും സാധ്യതയുണ്ട്.
