മുൻ മുഖ്യമന്ത്രിയും പ്രതിപക്ഷ നേതാവുമായ പിണറായി വിജയന്റെ വീട്ടിലെ ഇഡി റെയ്ഡിന് പിന്നാലെ സംസ്ഥാനത്ത് സിപിഎം പ്രതിഷേധം. തിരുവനന്തപുരത്ത് മുതിർന്ന നേതാക്കളുടെ കുത്തിയിരിപ്പ് പ്രതിഷേധമാണ്.ഇതര ജില്ലകളിലും സിപിഎം പ്രവർത്തകർ തെരുവിലിറങ്ങി
പിണറായി വിജയന്റെ ബേക്കറി ജംഗഷ്നിലെ വീട്ടിന് മുന്നിലാണ് പ്രതിഷേധം. മുന്മന്ത്രി വി.ശിവന്കുട്ടി, വി.ജോയി എംഎല്എ, ആനാവൂര് നാഗപ്പന്, വി.കെ.പ്രശാന്ത്, ബിനീഷ് കോടിയേരി തുടങ്ങി നിരവധി പേരാണ് പ്രതിഷേധത്തില് പങ്കെടുക്കുന്നത്.
എകെജി സെന്ററിലെ അടിയന്തര സെക്രട്ടേറിയറ്റ് യോഗത്തിനു ശേഷമാണ് തിരുവനന്തപുരത്ത് നേതാക്കൾ കുത്തിയിരുന്ന് പ്രതിഷേധിക്കുന്നത്. പിണറായി വിജയന്റെ കണ്ണൂരിലെ വീട്ടിന് മുന്നിലും നേതാക്കളുടെ നേതൃത്വത്തിൽ പ്രതിഷേധിക്കുന്നുണ്ട്. ‘കേന്ദ്ര സർക്കാർ തെമ്മാടികളെ’ എന്ന മുദ്രാവാക്യം വിളിച്ചുകൊണ്ടാണ് പ്രതിഷേധം. സിപിഎം നേതാവ് പി ജയരാജൻ, കണ്ണൂർ സിപിഎം ജില്ലാ സെക്രട്ടറി കെ കെ രാഗേഷ് എന്നിവർ സ്ഥലത്തെത്തിയിട്ടുണ്ട്.
