കാണക്കാരി സിഎസ്ഐ ലോ കോളേജിന്റെ ആഭിമുഖ്യത്തിൽ ജി.വി.എച്ച്.എസ്.എസ്. കാണക്കരിയിൽ ദന്താരോഗ്യ ക്യാമ്പും നിയമബോധവത്കരണ പരിപാടിയും ഡോക്ടേഴ്സ് ഡേയും നാളെ
കോട്ടയം: കാണക്കാരി ലോ കോളേജിന്റെ ആഭിമുഖ്യത്തിൽ ഇന്തൃൻ ഡന്റൽ അസോസിയേഷന്റെ സഹകരണത്തോടെ ജി.വി.എച്ച്.എസ്.എസ് കാണക്കാരിയിൽ സ്കൂൾ വിദ്യാർത്ഥികൾക്കായി ദന്താരോഗ്യ ക്യാമ്പും നിയമബോധവത്കരണ പരിപാടിയും നാളെ.
“കുഞ്ഞുപുഞ്ചിരി സംരക്ഷിക്കാം – ദന്താരോഗ്യവും നിയമപരമായ സാമൂഹിക ഉത്തരവാദിത്വവും എന്ന സന്ദേശം മുൻനിർത്തിയുള്ള പരിപാടി കുട്ടികളിൽ ദന്താരോഗ്യ സംരക്ഷണത്തെക്കുറിച്ചുള്ള അവബോധം വളർത്തുന്നതിനും, കുട്ടികളുടെ ആരോഗ്യസംരക്ഷണത്തിൽ മാതാപിതാക്കൾക്കും വിദ്യാലയത്തിനും സമൂഹത്തിനുമുള്ള നിയമപരവും സാമൂഹികവുമായ ഉത്തരവാദിത്വം ബോധ്യപ്പെടുത്തുന്നതിനുമാണ് ലക്ഷ്യമിടുന്നത്.
ഇതോടൊപ്പം **ഡോക്ടേഴ്സ് ഡേ** ആഘോഷവും നടക്കും. സമൂഹത്തിന്റെ ആരോഗ്യസംരക്ഷണത്തിനായി നിസ്വാർത്ഥ സേവനം ചെയ്യുന്ന ഡോക്ടർമാരെ ആദരിക്കുകയും അവരുടെ സേവനങ്ങളെ വിദ്യാർത്ഥികൾക്ക് പരിചയപ്പെടുത്തുകയും ചെയ്യും.
ജി.വി.എച്ച്.എസ്.എസ്. കാണക്കരിയിലെ ഹെൽത്ത് ക്ലബ്ബിന്റെ സഹകരണത്തോടെയാണ് പരിപാടി. സിഎസ്ഐ കോളേജ് ഫോർ ലീഗൽ സ്റ്റഡീസിലെ ഫാക്കൽറ്റി കോർഡിനേറ്റർമാരായ പ്രൊഫ. ചൈതന്യ നായർ എസ്., അസിറ്റന്റ് പ്രൊഫ .അശ്വതി എ.കെ എന്നിവവരും നിയമ വിദ്യാർത്ഥികളും പരിപാടിക്ക് നേതൃത്വം നൽകും.
ദന്തഡോക്ടർമാർ കുട്ടികൾക്ക് ശരിയായ ദന്തപരിചരണം, വായ്ശുചിത്വം, പതിവായി ദന്തപരിശോധന നടത്തേണ്ടതിന്റെ പ്രാധാന്യം എന്നിവയെക്കുറിച്ച് നിയമബോധവത്കരണ ക്ലാസുകളും നടക്കും.
