കോട്ടയം:ബിജെപി സംസ്ഥാന പ്രസിഡണ്ട് രാജീവ് ചന്ദ്രശേഖർ നഗരത്തിൽ പാർട്ടി പരിപാടിക്ക് എത്തുന്നതിനു മുൻപ് വൈക്കത്ത് ബോംബ് ഭീഷണി. വൈക്കം പോസ്റ്റ് ഓഫീസിലാണ് ബോംബ് ഭീഷണി സന്ദേശം വന്നത്.
ഇതിനു പിന്നാലെ പിന്നാലെ ഡോഗ് സ്ക്വാഡും ബോംബ് സ്ക്വാഡും പരിശോധന നടത്തിയെങ്കിലും കാര്യമായി ഒന്നും കണ്ടെത്താൻ കഴിഞ്ഞില്ല
ബോംബ് ഭീഷണിയെ തുടർന്ന് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖരൻ പങ്കെടുക്കുന്ന പരിപാടിയുടെ വേദിയിലും പോലീസ് പരിശോധന നടത്തി.
വൈക്കം ഹെഡ് പോസ്റ്റ് ഓഫീസിന് സമീപത്തായിരുന്ന ബിജെപി അധ്യക്ഷനുംനേതാക്കളും പങ്കെടുക്കുന്ന സമ്മേളനം സംഘടിപ്പിച്ചിരുന്നത്. അജ്ഞാത ഭീഷണിയെക്കുറിച്ച് പോലീസ് അന്വേഷണം ആരംഭിച്ചിട്ടുണ്ട്.
സിപിഐയിൽ നിന്നും ബിജെപിയിലേക്ക് എത്തിയ മുൻ എംഎൽഎ കെ അജിത്തിന് ജന്മനാട്ടിൽ നൽകുന്ന സ്വീകരണ പരിപാടിയിൽ പങ്കെടുക്കാനാണ് രാജീവ് ചന്ദ്രശേഖർ എത്തിയത്
