കൊച്ചി: കുമ്പളങ്ങിയിൽ ആളൊഴിഞ്ഞ പറമ്പിൽ മനുഷ്യന്റെ തലയോട്ടി കണ്ടെത്തി. കുമ്പളങ്ങി സേക്രട്ട് ഹാര്ട്ട് പള്ളിക്ക് സമീപം ഒഴിഞ്ഞ പറമ്പിലാണ് തലയോട്ടി കണ്ടെത്തിയത്. സംഭവത്തെ തുടര്ന്ന് പോലീസ് അടക്കം സ്ഥലത്തെത്തി.
കണ്ണമാലി സ്വദേശി ഫ്രാന്സിസ് മണ്ണാലിയുടെ ഉടമസ്ഥതയിൽ ഉള്ള കാടുപിടിച്ചുകിടന്ന പറമ്പ് തൊഴിലാളികള് വൃത്തിയാക്കുന്നതിനിടെയാണ് തലയോട്ടി കണ്ടെത്തിയത്. തലയോട്ടി ഫോറന്സിക് പരിശോധനയ്ക്കായി കൊണ്ടുപോകും. സമീപത്ത് തന്നെ പള്ളിയുടെ സെമിത്തേരിയുണ്ട്. പള്ളുരുത്തി പൊലീസ് സ്ഥലത്തെത്തി തുടര് നടപടികള് സ്വീകരിച്ചു
