ഫ്രാന്‍സിസ് മാര്‍പാപ്പയുടെ ആരോഗ്യനിലയില്‍ നേരിയ പുരോഗതിയെന്ന് വത്തിക്കാന്‍. ഇന്നലെ നടത്തിയ രക്തപരിശോധനയിലാണ് മാര്‍പാപ്പയുടെ നിലയില്‍ പുരോഗതിയുണ്ടെന്ന് ഡോക്ടര്‍മാര്‍ അറിയിച്ചത്. നിലവില്‍ അദ്ദേഹത്തിന്റെ പനി മാറിയെന്നും കുറച്ചു ദിവസങ്ങള്‍ കൂടി ആശുപത്രിയില്‍ കഴിയേണ്ടി വരുമെന്നും വത്തിക്കാന്‍ അറിയിച്ചു.
ന്യുമോണിയ ബാധിച്ചതിനെ തുടര്‍ന്ന് ചികിത്സയിലാണ് മാര്‍പാപ്പ. മാര്‍പാപ്പയെ വെന്റിലേറ്ററില്‍ പ്രവേശിപ്പിച്ചിട്ടില്ലെന്നും അദ്ദേഹത്തിന് സ്വയം ശ്വസിക്കാനാകുന്നുണ്ടെന്നും വത്തിക്കാന്‍ വ്യക്തമാക്കി. ജെമെല്ലി പോളിക്ലിനിക് ആശുപത്രിയിലാണ് മാര്‍പാപ്പയെ പ്രവേശിപ്പിച്ചിരിക്കുന്നത്.
