തിരുവനന്തപുരം: മലയാളത്തിന്റെ അതുല്യ നടന് ജഗതി ശ്രീകുമാറുള്ള അപ്രതീക്ഷിത കൂടിക്കാഴ്ച പങ്കുവച്ച് മുഖ്യമന്ത്രി പിണറായി വിജയന്. സമൂഹ മാധ്യമത്തിൽ പങ്കുവച്ച പോസ്റ്റിലാണ് ജഗതിയെ കണ്ടുമുട്ടിയതിന്റെ ചിത്രം മുഖ്യമന്ത്രി പങ്കുവച്ചത്. വിമാന യാത്രയ്ക്കിടെ ആയിരുന്നു ഇരുവരുടെയും കൂടിക്കാഴ്ച.
”ഇന്ന് എറണാകുളത്തേക്കുള്ള യാത്രക്കിടെ മലയാളത്തിന്റെ അതുല്യനടന് ജഗതി ശ്രീകുമാറിനെ കണ്ടുമുട്ടി. സുഖവിവരങ്ങള് അന്വേഷിച്ചു.” മുഖ്യമന്ത്രി പിണറായി വിജയന് ഫേസ്ബുക്കിൽ കുറിച്ചു.
മലപ്പുറത്ത് വെച്ച് പന്ത്രണ്ട് വര്ഷങ്ങള്ക്ക് മുൻപുണ്ടായ വാഹനാപകടത്തില് ഗുരുതരമായി പരിക്കേറ്റ് ചികിത്സയില് കഴിഞ്ഞിരുന്ന ജഗതി ശ്രീകുമാര് അടുത്തിടെയാണ് പൊതുവേദികളില് ഉള്പ്പെടെ പ്രത്യക്ഷപ്പെട്ട് തുടങ്ങിയത്. അദ്ദേഹം അടുത്തിടെ ചില സിനിമകളിലും വേഷമിട്ടിരുന്നു.
