തിരുവനന്തപുരം: മോഹന്ലാല് മലയാളികള്ക്ക് ഏറെ പ്രിയപ്പെട്ട താരമാണ് . സെന്ട്രല് ടാക്സ്, സെന്ട്രല് എക്സൈസ് ആന്റ് കസ്റ്റംസ് തിരുവനന്തപുരം സോണിന്റെ നേതൃത്വത്തില് തിരുവനന്തപുരത്ത് നടന്ന ജിഎസ്ടി ദിനാഘോഷ പരിപാടിയില് മുഖ്യാതിഥി മോഹന്ലാലായിരുന്നു. രാജ്യത്ത് ജിഎസ്ടി നടപ്പാക്കി എട്ട് വര്ഷം പൂര്ത്തിയാവുന്നതിന്റെ ഭാഗമായാണ് പരിപാടി സംഘടിപ്പിച്ചത്. ഇപ്പോഴിതാ ചടങ്ങിൽ പങ്കെടുത്ത് തിരികെ മടങ്ങുന്ന താരത്തിന്റെ വീഡോയായാണ് വൈറലാവുന്നത്,
നടൻ പുറത്തേക്ക് വന്നതോടെ മാധ്യമങ്ങൾ താരത്തിന്റെ ബൈറ്റ് എടുക്കാനായി ചുറ്റം തടിച്ച് കൂടി. മാധ്യമപ്രവർത്തകർ ചോദിച്ച വിഷയത്തെ കുറിച്ച് അറിഞ്ഞിട്ടില്ലാത്തതിനാൽ ഞാൻ അറിഞ്ഞില്ല… അറിഞ്ഞിട്ട് പ്രതികരിക്കാമെന്ന് നടൻ മറുപടിയും നൽകി.
എന്നാൽ നടനെ വിടാതെ മാധ്യമപ്രവർത്തകർ ചുറ്റും വളഞ്ഞു. അതിനിടയിൽ മാധ്യമപ്രവർത്തകരിൽ ഒരാൾ നടന്റെ മുഖത്തേക്ക് നീട്ടി പിടിച്ച മൈക്ക് കണ്ണിൽ തട്ടി. മൈക്ക് തട്ടി കണ്ണിന് വേദന അനുഭവപ്പെട്ടതോടെ അൽപ്പനേരം മോഹൻലാൽ സ്തംബ്ദനായി.
എന്നാൽ വേദന അനുഭവപ്പെട്ടിട്ടും രോഷാകുലനാകാതെ പതിവ് സ്റ്റൈലില് എന്താ… മോനെ കണ്ണിന് എന്തെങ്കിലും പറ്റിയാലോ എന്ന് ചോദിച്ച് കാറില് കയറുകയാണ് ചെയ്തത്. വാഹനത്തിന്റെ ഡോര് അടയ്ക്കും മുമ്പ് മോനെ നിന്നെ ഞാന് നോക്കിവെച്ചിട്ടുണ്ടെന്ന് തമാശയായി നടന് പറയുന്നതും വീഡിയോയില് കേള്ക്കാം.
