കോട്ടയം മാണിക്കുന്നത്ത് യുവാവിനെ കുത്തി കൊലപ്പെടുത്തിയ പ്രതി അറസ്റ്റില്.
മാങ്ങാനം കളംബിക്കാട്ടു കുന്നു ഭാഗം താന്നിക്കല് വീട്ടില് ആദര്ശ് സോമന് (23) കുത്തേറ്റു മരിക്കാനിടയായ സംഭവത്തിലാണ് പ്രതിയെ കോട്ടയം വെസ്റ്റ് പോലീസ് അറസ്റ്റ് ചെയ്തത്.
കോട്ടയം വേളൂര് മാണിക്കുന്നം ലളിതാസദനത്തില് അഭിജിത്ത് എ നായര് (23) എന്നയാളെയാണ് പോലീസ് അറസ്റ്റ് ചെയ്തത്.
24/11/2025 വെളുപ്പിന് 2 മണിയോടെ മാണിക്കുന്നം പെട്രോള് പമ്പിനു എതിര് വശത്തായുള്ള അഭിജിത്തിന്റെ വീട്ടിലെത്തിയ ആദര്ശിനെ അഭിജിത്ത് കുത്തി കൊലപ്പെടുത്തുകയായിരുന്നു. ഇവർ തമ്മിൽ സാമ്പത്തിക ഇടപാടിനെ ചൊല്ലിയുള്ള തർക്കം നിലനിന്നതായി പറയപ്പെടുന്നു.
പ്രതിക്കെതിരെ മറ്റു കേസുകളും നിലവിലുണ്ട്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
