തലപ്പാടി: കാസര്കോട്-കര്ണാടക അതിര്ത്തിയായ തലപ്പാടിയില് വാഹനാപകടം. നാല് സ്ത്രീകള് ഉള്പ്പെടെ അഞ്ച് പേര്ക്ക് ദാരുണാന്ത്യം. കര്ണാടകയില്നിന്ന് കാസര്കോട്ടേക്ക് വരികയായിരുന്ന കര്ണാടക ആര്ടിസി ബസാണ് അപകടത്തില്പ്പെട്ടത്.
അമിത വേഗത്തിൽ എത്തിയ കർണാടക ആർടിസി ബസ് നിയന്ത്രണം വിട്ട് ബസ് കാത്തിരിപ്പ് കേന്ദ്രത്തിലേക്ക് ഇടിച്ചു കയറുകയായിരുന്നു.
അപകടത്തിൽ ബസിലുണ്ടായിരുന്ന ആളുകൾക്ക് പരിക്കേറ്റിട്ടുണ്ട്. നിര്ത്തിയിട്ടിരിക്കുകയായിരുന്ന ഒരു ഓട്ടോയിലും ബസ് ഇടിച്ചിരുന്നു.ബസ് ഓട്ടോയില് ഇടിച്ചതിന് ശേഷമാണ് ബസ്സ്റ്റോപിലേക്ക് ഇടിച്ചു കയറിയത്. ഓട്ടോയില് ഉണ്ടായിരുന്ന ഡ്രൈവറും പത്ത് വയസുകാരിയായിരുന്ന കുട്ടിയും മരിച്ചു. കൂടാതെ ബസ് കാത്തിരിക്കുകയായിരുന്ന തലപ്പാടി സ്വദേശിനി ലക്ഷ്മി എന്ന സ്ത്രീ ഉൾപ്പെടെ 3 സ്ത്രീകളും മരിച്ചതായാണ് വിവരം.
