മലയാളികള്ക്ക് പ്രിയങ്കരനായ നടനാണ് ദേവന്. മലയാളത്തിന് പുറമെ, തമിഴ് – തെലുങ്ക് ഭാഷകളിലും നായകനായും വില്ലനായും എല്ലാം നടൻ പരിചിതനാണ്. ഇപ്പോഴിതാ, ദ ന്യൂ ഇന്ത്യന് എക്സ്പ്രസിന് നല്കിയ അഭിമുഖത്തി ദേവന് തന്റെ വിവാഹത്തെ കുറിച്ചും ഭാര്യയുടെ മരണത്തെ കുറിച്ചുമെല്ലാം പറയുകയാണ് നടൻ.
ഞങ്ങളുടേത് ഒരു പ്രണയ വിവാഹം ഒന്നുമായിരുന്നില്ല. അമ്മാവന്റെ മകളാണ് സുമ. അങ്ങനെയിരിക്കെ അമ്മാവനാണ് അമ്മയോട് പറഞ്ഞത്, സുമയെ ദേവനെ കൊണ്ട് കെട്ടിക്കാം എന്ന്. അമ്മയ്ക്കും അച്ഛന് വലിയ സന്തോഷമായി. ഞാനന്ന് മദിരാശിയില് ആയിരുന്നു. എന്നെ വിളിച്ച് ഉടനെ വീട്ടിലേക്ക് വരണം എന്ന് അവർ പറഞ്ഞു.
തന്നെ വിവാഹം കഴിപ്പിക്കാനാണ് എന്നറിഞ്ഞപ്പോള്, എനിക്ക് താത്പര്യമുണ്ടായിരുന്നില്ല. കുറച്ചുകൂടെ ജീവിതം അടിച്ചുപൊളിക്കണം എന്നൊക്കെയായിരുന്നു. എന്നാൽ വീട്ടുകാർ സമ്മതിച്ചില്ല. അഞ്ച് അമ്മാവന്മാരായിരുന്നു സുമയ്ക്ക്, എന്നെ പോലൊരു തെണ്ടിയ്ക്ക് നമ്മുടെ മോളെ കൊടുക്കാന് പറ്റില്ല എന്നവര് പറഞ്ഞു. കോളേജില് പഠിക്കുമ്പോള് ചട്ടമ്പിത്തരമൊക്കെ നടത്തി കേസൊക്കെ ഉള്ളവനാ, കൊടുക്കാന് പറ്റില്ല എന്നായിരുന്നു അമ്മാവന്മാര് പറഞ്ഞത്
അവരുടെ ഭാഗത്ത് നിന്ന് എതിര്പ്പുകള് വന്നപ്പോള് എനിക്ക് മൊത്തത്തിൽ സന്തോഷമായെങ്കിലും, സുമയുടെ അഭിപ്രായം കൂടെ അറിയാം എന്ന് കരുതി, ഒരു കത്ത് എഴുതി പോസ്റ്റ് ചെയ്തു. അവള് അത് പൊട്ടിച്ചുപോലും നോക്കാതെ അവളുടെ അമ്മയ്ക്ക് കൊണ്ടു പോയി കൊടുത്തു.
പേടിച്ചതുകൊണ്ടാണ് പൊട്ടിച്ചു പോലും നോക്കാതെ അമ്മയ്ക്ക് കൊണ്ടുകൊടുത്തത്. അമ്മമാരും പൊട്ടുച്ചു നോക്കാതെ അത് പ്രണയലേഖനം ആണെന്ന് ഉറപ്പിച്ചു. അങ്ങനെ ഇരിക്കെയാണ് അമ്മാവന് ആശുപത്രിയിലായത്. ആശുപത്രിയില് ചെന്നു കണ്ടപ്പോള്, അദ്ദേഹം എന്നെ എന്തുകൊണ്ടാണ് മകള്ക്ക് വേണ്ടി ആലോചിച്ചത് എന്ന് പറഞ്ഞു.
എന്റെ സത്യസന്ധതയാണ് കാരണം എന്നറിഞ്ഞപ്പോള് ഞാനും ഇമോഷണലായി. ആ സമയത്ത് അദ്ദേഹം തീരെ വയ്യാതെ കിടക്കുകയുമാണ്. എങ്കില് പിന്നെ ഇത് തന്നെ നടന്നോട്ടെ എന്ന് ഞാന് അമ്മയോട് പറഞ്ഞു. അങ്ങനെയാണ് ഞങ്ങളുടെ കല്യാണം കഴിഞ്ഞത്.
അവള് എന്നെ വിട്ടുപോയത് നാല് വര്ഷം മുന്പാണ് . അവള്ക്ക് ഐസ്ക്രീം അലര്ജിയായിരുന്നു. ചെന്നൈയിലുള്ളപ്പോള് ഒരിക്കല് ഐസ്ക്രീം കഴിച്ച് ശ്വാസതടസ്സമൊക്കെയുണ്ടായി ആശുപത്രിയില് കൊണ്ടു പോയപ്പോഴാണ് അത് തിരിച്ചറിഞ്ഞത്. ഇനിയൊരിക്കലും ഐസ്ക്രീം കഴിക്കരുത്, ഏത് ബ്രാന്റിന്റെ ആണെങ്കിലും കഴിക്കരുത്. അത് ശരീരത്തിന് സെറ്റാവുന്നില്ല എന്ന് ഡോക്ടര് അന്ന് പറഞ്ഞിരുന്നു.
ഞാന് ഷൂട്ടിങ് സെറ്റിലായിരുന്ന ഒരു ദിവസം മകളും കുഞ്ഞും വീട്ടില് വന്നിരുന്നു. അവര്ക്ക് നല്കാന് ഐസ്ക്രീം എല്ലാം വാങ്ങിയിരുന്നു. ഭക്ഷമം കഴിച്ച് അവരെല്ലാം പോയതിന് ശേഷം സുമ ഐസ്ക്രീം കഴിച്ചിരുന്നു. പിന്നെ പെട്ടന്ന് ശ്വാസമുട്ടാന് തുടങ്ങി. തറയില് കിടന്ന് ഉരുളുന്നത് കണ്ട് വീട്ടില് നില്ക്കുന്ന ആളെന്നെ വിളിച്ചു, ആശുപത്രിയില് എത്തിക്കുമ്പോഴേക്കും അവള് പോയി- ദേവന് പറഞ്ഞു
