ഹരിയാന ∙: ബാസ്കറ്റ് ബോള് പരിശീലനത്തിനിടെ പോള് ഒടിഞ്ഞുവീണ് ദേശീയ താരത്തിന് ദാരുണാന്ത്യം. പരിശീലനത്തിനിടെ 16കാരന് ഹാര്ദ്ദിക് റാത്തിയാണ് പോള് ഒടിഞ്ഞ് ദേഹത്ത് വീണതിനെ തുടര്ന്ന് തല്ക്ഷണം മരിച്ചത്. ഹരിയാനയിലെ റോത്തക്കിലുള്ള ലഖന്ർ മാജ്ര ഗ്രാമത്തിലെ ബാസ്കറ്റ് ബോള് കോര്ട്ടില് ഇന്നലെ രാവിലെ 10 മണിയോടെയാണ് അപകടം നടന്നത്.
ബാസ്കറ്റ് ബോള് കളിക്കാനെത്തിയ ഹാര്ദ്ദിക് ബോളെടുത്ത് ബാസ്കറ്റിലേക്ക് ഇട്ടശേഷം പോളില് തൂങ്ങിയപ്പോഴാണ് ഇരുമ്പ് കൊണ്ടുണ്ടാക്കിയ പോള് ഒടിഞ്ഞു ദേഹത്തുവീണത്. നിലത്തുവീണ ഹാര്ദ്ദിക്കിന്റെ നെഞ്ചിൽ പോള് ഇടിച്ചു. സുഹൃത്തുക്കൾ ഓടിയെത്തി പോള് എടുത്തുമാറ്റി ആശുപത്രിയിലെത്തിച്ചെങ്കിലും മരിച്ചു.
