കൊച്ചി : കുംഭമേള വൈറൽ പെൺകുട്ടിക്ക് അനുവദിച്ച പൊലീസ് സംരക്ഷണം ഹൈക്കോടതി റദ്ദാക്കി. രണ്ട് പേരെയും കണ്ടെത്താന് കഴിയുന്നില്ലെന്ന് സര്ക്കാര് കോടതിയെ അറിയിച്ചു.
പെണ്കുട്ടിയും ഭര്ത്താവും നല്കിയ മേല്വിലാസത്തിലോ നമ്പറിലോ ബന്ധപ്പെടാന് കഴിയുന്നില്ല. പെണ്കുട്ടിയുടെ പതിവ് രീതിയാണിതെന്നും സര്ക്കാര് കോടതിയെ അറിയിച്ചു. പെണ്കുട്ടി സംരക്ഷണം ആവശ്യപ്പെട്ടാല് മാത്രം നല്കിയാല് മതിയെന്ന് പൊലീസിനോട് കോടതി പറഞ്ഞു.
അതേസമയം കുംഭമേള വൈറല് താരത്തിന്റെ ഭര്ത്താവ് ഫര്മാന്റെ മുന്കൂര് ജാമ്യഹര്ജി മധ്യപ്രദേശ് കോടതി തള്ളിയിരുന്നു. മഹേശ്വറിലെ പ്രത്യേക പോക്സോ കോടതിയാണ് മുന്കൂര് ജാമ്യാപേക്ഷ തള്ളിയത്. കൊച്ചിയില് തുടരുന്ന ഫര്മാനും പെണ്കുട്ടിയും പൊലീസ് സംരക്ഷണം നീട്ടണമെന്നാവശ്യപ്പെട്ട് ഹൈക്കോടതിയെ സമീപിച്ചിരുന്നു.
