തിരുവനന്തപുരം : നദിയില് വീണ സുഹൃത്തിനെ രക്ഷിക്കാന് ശ്രമിക്കുന്നതിനിടെ ടെക്നോപാര്ക്ക് ജീവനക്കാരി മരിച്ചു. തിരുവനന്തപുരം കമലേശ്വരം മണക്കാട് തോട്ടം പൂവങ്കല് ഹൗസില് അനുപമ (26)യാണ് മരിച്ചത്.
ഇന്ന് ഉച്ചക്ക് 2 മണിയോടെയായിരുന്നു സംഭവം. അനുപമ വിതുര -ചന്തമുക്ക് താവയ്ക്കല് ആറ്റിലാണ് മുങ്ങി മരിച്ചത്. ആറ്റിലെ പടിക്കെട്ടില് കൂടി നടക്കുന്നതിനിടയില്, കാല്വഴുതി സുഹൃത്ത് ആറ്റില് വീഴുകയായിരുന്നു. സുഹൃത്തിനെ രക്ഷിക്കാന് ശ്രമിക്കുന്നതിനിടെ അനുപമയും ആറ്റില് വീണു. കൂടെയുള്ളവര് സുഹൃത്തിനെ രക്ഷപ്പെടുത്തിയെങ്കിലും അനുപമ വെള്ളത്തില് മുങ്ങിത്താഴുകയായിരുന്നു.
