കൊച്ചി : നിയമസഭാ തെരഞ്ഞെടുപ്പിലെ കനത്ത തോൽ വിയിൽ പകച്ച് നില്ക്കുന്ന സിപിഎമ്മിന് ഇരുട്ടടിയായി മാറുകയാണ് പിണറായിക്കും പാർട്ടി സെക്രട്ടറി എംവി ഗോവിന്ദനു മെതിരെ പാർട്ടി പ്രവർത്തകരുടെ നിശിത വിമർശം. പിണറായിയെ ഭയന്ന് ഉൾപ്പാട്ടി ജനാധിപതൃ ചർച്ചകളില്ലാത്ത കാൽ നൂറ്റാണ്ടിനിടയിലാണ് അണികളുടെ രോഷം അണപൊട്ടി ഒഴുകുന്നത്. ദയനീയ പരാജയത്തിനിടയിലും താൻ ദുർബലനല്ലന്ന് ബോധൃപ്പെടുത്താൻ പ്രതിപക്ഷ നേതാവ് സ്ഥാനം സ്വന്തമാക്കിയതോടെ മിക്ക ജില്ലകളിലും പിണറായിയെയും പിണറായിയെ തിരുത്താൻ കെല്പില്ലാത്ത ഗോവിന്ദൻ മാസ്റ്ററെയും അണികൾ നിർത്തിപൊരിക്കുകയാണ്. സ്വന്തം തട്ടകമായ കണ്ണൂര് ജില്ലാ കമ്മിറ്റി യോഗത്തിലും രൂക്ഷ വിമര്ശനമാണ് നേതാക്കൾ അഴിച്ച് വിട്ടത്. മത്സരിക്കാനുള്ള ടേം വ്യവസ്ഥ പ്രഹസനമാക്കിയെന്നും ഇളവുകള് പിണറായിക്ക് മാത്രമാക്കി മാറ്റിയെന്നും നേതാക്കള് വിമര്ശിച്ചു. തെരഞ്ഞെടുപ്പ് തോല്വി വിലയിരുത്താനുള്ള യോഗത്തിലാണ് വിമര്ശനം. ചര്ച്ചയില് പങ്കെടുത്ത ഭൂരിഭാഗം നേതാക്കളും വിമര്ശനം ഉന്നയിച്ചിരുന്നു.
‘പിണറായിയെ മാത്രം കേന്ദ്രീകരിച്ച പ്രചരണം തിരിച്ചടിയായി. കെ കെ ശൈലജയെ പേരാവൂരില് നിര്ത്തി തോല്പ്പിച്ചു. എന്തുകൊണ്ട് ശൈലജയെ മുന്നിര്ത്തി തെരഞ്ഞെടുപ്പിനെ നേരിടാന് കഴിഞ്ഞില്ല. ജനകീയമുഖമായ ശൈലജയെ മുന്നിര്ത്തിയിരുന്നുവെങ്കില് തെരഞ്ഞെടുപ്പ് ഫലം മറ്റൊന്നായേനെ. ഭരണം നഷ്ടപ്പെടുമെങ്കിലും ഇത്ര ദയനീയ പരാജയം ഉണ്ടാവില്ല’, നേതാക്കള് പറഞ്ഞു. പാര്ട്ടി സര്ക്കാരിന് അടിമപ്പെടുകയായിരുന്നുവെന്നും വിമര്ശനമുണ്ട്. ധര്മ്മടം മണ്ഡലത്തില് നിന്നുള്ള ജില്ലാ കമ്മിറ്റി അംഗങ്ങളും മുന് മുഖ്യമന്ത്രിക്കെതിരെ വിമര്ശനം ഉന്നയിച്ചു.പത്തനംതിട്ട,
കൊല്ലം, കോഴിക്കോട്, എറണാകുളം ജില്ലാ നേതൃയോഗങ്ങളിലും രൂക്ഷ വിമര്ശനമുണ്ടായിരുന്നു. ജനവികാരം മാനിച്ച് പിണറായി വിജയന് പ്രതിപക്ഷ നേതൃസ്ഥാനം ഏറ്റെടുക്കരുതെന്നാണ് ഉയര്ന്ന ആവശ്യം. പിണറായിയുടെ ഭാഷയും ശൈലിയും ജനങ്ങളെ വെറുപ്പിച്ചുവെന്നും വിമര്ശനമുയര്ന്നു. പാര്ട്ടി സെക്രട്ടറി എം വി ഗോവിന്ദന്റെ പ്രവര്ത്തന ശൈലിയിലും വിമര്ശനമുണ്ടായി.
സീറ്റ് പിടിച്ചെടുക്കാനെന്ന പേരില് കെ കെ ശൈലജയെ തോല്ക്കുന്ന സീറ്റില് മത്സരിപ്പിച്ച് ജനങ്ങളെ പുച്ഛിച്ചുവെന്നും പിടിച്ചെടുക്കാനുള്ള സീറ്റില് മത്സരിച്ച് ധീരത കാട്ടേണ്ടത് പിണറായിയായിരുന്നുവെന്നുമുള്ള രൂക്ഷവിമര്ശനവുമുണ്ടായി. എം വി ഗോവിന്ദന് ഓരോ തവണ മാധ്യമങ്ങളെ കാണുമ്പോഴും 100 പേരെങ്കിലും പാര്ട്ടിക്കെതിരാകുന്നു. പിണറായിയെ പ്രതിപക്ഷ നേതാവാക്കിയത് നൂറ്റാണ്ടിന്റെ മണ്ടത്തരമാണ്. ഓരോ തെരഞ്ഞെടുപ്പിലും പാര്ട്ടിക്ക് ഓരോ നയമാണ്. ഇഷ്ടമുള്ളവരെ മത്സരിപ്പിക്കാന് ഒരു നയവും ഇഷ്ടമില്ലാത്തവരെ മാറ്റിനിര്ത്താന് മറ്റൊരു നയവുമാണെന്നും കുറ്റെടുത്തലുണ്ടായി.
കൂടുതൽ നിശിതമായ വിമർശനം കൊല്ലത്തായിരുന്നു. 61 വയസ്സുള്ള മുഖ്യമന്ത്രി കേരളം ഭരിക്കാൻ പോകുമ്പോൾ പ്രതിപക്ഷനേതാവായി 80 കഴിഞ്ഞ പിണറായി വേണ്ട. പിണറായിയെ ജനങ്ങൾക്കു സമീപിക്കാനാവില്ല. ഫലത്തിൽ പ്രതിപക്ഷനേതാവായി പ്രവർത്തിക്കുക ബിജെപിയുടെ പാർലമെന്ററി പാർട്ടി ലീഡറായിരിക്കുമെന്നും കമ്മറ്റി അംഗങ്ങൾ ചൂണ്ടിക്കാട്ടി.
ഏകാധിപതികളുടെ കാലം കഴിഞ്ഞെന്നു മനസ്സിലാക്കണം. പരനാറി, നികൃഷ്ട ജീവി, കടക്കു പുറത്ത്, വീട്ടിൽ പോയി ചോദിക്ക്, ചെറ്റ, ഡാഷ് മോൻ തുടങ്ങി പിണറായിയുടെ ധാർഷ്ട്യം നിറഞ്ഞ പദപ്രയോഗങ്ങളാണു തോൽവിക്കു പ്രധാന കാരണം. 2000 രൂപ പെൻഷൻ നൽകുന്നുവെന്നു പറഞ്ഞ് പിണറായി ചെയ്യുന്നതെല്ലാം ജനങ്ങൾ അംഗീകരിക്കില്ല.
കഴിഞ്ഞ തിരഞ്ഞെടുപ്പു കാലത്ത് സംസ്ഥാന സെക്രട്ടറിയുടെ ചുമതലയുണ്ടായിരുന്ന എ. വിജയരാഘവൻ ഭാര്യ ആർ. ബിന്ദുവിനെ മത്സരിപ്പിച്ചു മന്ത്രിയാക്കിയെങ്കിൽ ഇത്തവണ എം.വി. ഗോവിന്ദൻ ഭാര്യ പി.കെ ശ്യാമളയെ മത്സരിപ്പിച്ചു മന്ത്രിയാക്കാൻ നോക്കി. 4 പിബി അംഗങ്ങളിൽ ഒരാൾക്ക് മരുമകനെ ഉയർത്തിക്കൊണ്ടുവരണം, മറ്റു 2 പേർക്ക് ഭാര്യമാരെ മന്ത്രിമാരാക്കണം. ഇതിന്റെ ഇരയായി കെ.കെ. ശൈലജ മാറിയെന്ന് അംഗങ്ങൾ ചൂണ്ടിക്കാട്ടി.
പാര്ട്ടി കോട്ടകളായ കണ്ണൂരിലും കൊല്ലത്തും സംസ്ഥാന നേതൃത്വത്തിനെതിരെ ഇത്രയും പരസ്യവും രൂക്ഷവുമായ വിമര്ശനങ്ങള് ഉയരുന്നത്ത് ആദൃമായാണ് .സംസ്ഥാന സെക്രട്ടറി എം.വി. ഗോവിന്ദന്, കെ.കെ. ശൈലജ, പി.കെ. ശ്രീമതി, ഇ.പി. ജയരാജന്, എം.വി. ജയരാജന്, പി. ജയരാജന്, പി. ശശി, എ.എന്. ഷംസീര് തുടങ്ങിയ വന്നിര നേതാക്കള് പങ്കെടുത്ത യോഗത്തിലാണ് പിണറായി വിജയന്റെയും എം വി ഗോവിന്ദന്റെയും ശൈലിക്കെതിരെ അണികള് കനത്ത പ്രഹരമേല്പ്പിച്ചത്.
അതേസമയം പിണറായി വിജയന് യുവനേതാക്കള്ക്ക് വഴിമാറി കൊടുക്കേണ്ട സമയമായെന്ന് സിപിഐഎം മുന് പൊളിറ്റ് ബ്യൂറോ അംഗം ഹനന് മൊളള പറഞ്ഞു.പിണറായി നേതൃത്വം കൈമാറണമെന്നും മാറി കൊടുക്കുന്നതാണ് ഭാവിക്ക് നല്ലതെന്നും ഹനന് മൊള്ള വൃക്തമാക്കി.അടുത്ത അഞ്ചുവര്ഷം കഴിഞ്ഞാല് പിണറായിക്ക് നയിക്കാന് കഴിയില്ലെന്നും ആദര്ശപരമായി നയിക്കാന് കഴിഞ്ഞാലും ശാരീരികമായ പ്രയാസങ്ങള് ഉണ്ടായേക്കുമെന്നും അദ്ദേഹം പറഞ്ഞു.
‘അഞ്ചുവര്ഷം കഴിയുംതോറും ഭരണമാറ്റം ഉണ്ടാകുന്ന സ്ഥലമാണ് കേരളം. അഞ്ചുവര്ഷം കൂടുമ്പോള് മാറി ചിന്തിക്കുന്ന മനുഷ്യരാണ് കേരളത്തിലേത്. പത്തുവര്ഷം നല്കിയത് സര്ക്കാരിന്റെ മികച്ച പ്രവര്ത്തനംകൊണ്ടാണെന്നും ഹനന് മൊളള പറഞ്ഞു.
