തിരുവനന്തപുരം: സംസ്ഥാനത്ത് നിപ സമ്പര്ക്കപ്പട്ടികയില് ആകെ 425 പേരുള്ളതായി ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു.
മലപ്പുറത്ത് 228 പേരും പാലക്കാട് 110 പേരും കോഴിക്കോട് 87 പേരുമാണ് സമ്പര്ക്കപ്പട്ടികയിലുള്ളത്. മലപ്പുറത്ത് 12 പേരാണ് ചികിത്സയിലുള്ളത്. അഞ്ച് പേര് ഐസിയു ചികിത്സയിലുണ്ടെന്നും ആരോഗ്യ മന്ത്രി വീണാ ജോര്ജ് വാര്ത്താക്കുറിപ്പില് അറിയിച്ചു. സമ്പര്ക്കപ്പട്ടികയിലുള്ള ഒരാള് നെഗറ്റീവായിട്ടുണ്ട്. പാലക്കാട് ഒരാള് ഐസൊലേഷനില് ചികിത്സയിലാണ്. പാലക്കാട് 61 ആരോഗ്യ പ്രവര്ത്തകര് സമ്പര്ക്കപ്പട്ടികയിലുണ്ട്. കോഴിക്കോട് ജില്ലയില് സമ്പര്ക്കപ്പട്ടികയിലുള്ള 87 പേരും ആരോഗ്യ പ്രവര്ത്തകരാണ്.
അതേസമയം പ്രദേശത്ത് പനി സര്വൈലന്സ് നടത്താന് ആരോഗ്യമന്ത്രി നിര്ദേശം നല്കി. ജനങ്ങള്ക്ക് മാനസിക പിന്തുണ ഉറപ്പാക്കണം. പാലക്കാട് സമ്പര്ക്കപ്പട്ടികയിലുള്ളവരെ അവിടെ തന്നെ ഐസൊലേറ്റ് ചെയ്യണം. ഉറവിടം കണ്ടെത്താനുള്ള പ്രവര്ത്തനങ്ങള് ശക്തമാക്കാനും നിര്ദേശം നല്കി.
