വയനാട്: കല്പ്പറ്റ: വയനാട് കള്ളാടി തുരങ്കപാത നിര്മാണ സ്ഥലത്ത് വന് മണ്ണിടിച്ചില്. നിരവധി പേര് കുടുങ്ങി കിടക്കുന്നതായി സംശയം. കള്ളാടിയില് മീനാക്ഷി പാലത്തിന് സമീപമാണ് മണ്ണിടിച്ചിൽ ഉണ്ടായത്.
വാഹനങ്ങൾ അടക്കം മണ്ണിനടിയിൽ കുടുങ്ങിക്കിടക്കുന്നുണ്ട്. രക്ഷാപ്രവർത്തനം ആരംഭിച്ചു. അഞ്ച് പേരെ ആശുപത്രിയിലാക്കിയതായി ദുരന്തനിവാരണ അതോറിറ്റി അറിയിച്ചു.
പാലത്തിനടുത്തുള്ള കുന്ന് വന്തോതില് ഇടിഞ്ഞ് റോഡിലേക്കും അടുത്തുള്ള പുഴയിലേക്കും ഇറങ്ങിയിരിക്കുന്ന അവസ്ഥയാണ്. മുഖ്യമന്ത്രി വിഡി സതീശന് സ്ഥിതിഗതികള് വിലയിരുത്തി. രണ്ട് മന്ത്രിമാര് വയനാട്ടിലേക്ക് തിരിക്കും. മീനങ്ങാടിയില് നിന്നുള്ള എന്ഡിആര്എഫ് യൂണിറ്റ് ഉടന് സംഭവ സ്ഥലത്തെത്തും. കോഴിക്കോടുള്ള സംഘത്തോടും വയനാട്ടില് എത്താന് നിര്ദ്ദേശിച്ചു. വയനാട് ജില്ലാ കളക്ടറുമായും മുഖ്യമന്ത്രി ഫോണില് സംസാരിച്ചു.
തുരങ്ക പാത നിർമാണം നടക്കുന്നതിന് അടുത്താണ് മണ്ണിടിഞ്ഞത്. സമീപ വീടുകളിൽ ഉള്ളവരെ മാറ്റി പാർപ്പിക്കുന്നു
ഗതാഗതം പൂർണമായും സ്തംഭിച്ചു. എൻഡിആർഎഫ് സംഘം സ്ഥലത്തേക്കു പുറപ്പെട്ടു.
അടിയന്തര രക്ഷാപ്രവർത്തനത്തിനുള്ള നടപടികൾ സ്വീകരിച്ചതായി തിരുവമ്പാടി എംഎൽഎ സി.കെ.കാസിം പറഞ്ഞു.
